Nagpur Accident: नागपूरमध्ये पुन्हा एकदा भयंकर अपघात, भरधाव कारने 4 जणांना उडवलं; CCTV व्हिडिओ आला समोर

पराग ढोबळे, साम टीव्ही, नागपूर प्रतिनिधी

नागपुरात हिट अँड रनची घटना ताजी असताना आता पुन्हा एकदा एक भीषण अपघात झाल्याची घटना घडली आहे. येथील केडीके कॉलेज चौकात भरधाव कारने चार लोकांना उडवल्याची घटना घडली आहे. भरधाव कार टर्निंग घेताना रस्त्याच्याकडेला असलेल्या भाजीपाल्याच्या दुकानात शिरली आहे. यामध्ये चार जण जखमी झाल्याची माहिती मिळत आहे. या अपघाताचा सीसीटीव्ही व्हिडिओही समोर आला आहे.

गेल्या तीन आठवड्यात अपघाताची ही तिसरी घटना येथे घडली आहे. या अपघातानंतर घटनास्थळी पोलीस दाखल झाले आहेत. तसेच अपघातात जखमी झालेल्यांना रुग्णायात दाखल करण्यात आलं आहे.

या सीसीटीव्ही व्हिडिओत दिसत आहे की, केडीके कॉलेज चौकात भाजीपाल्याच्या गादीवर काही लोक भाजी खरेदी करता दिसत आहे. तितक्यात एक भरधाव कार येते आणि भाजीपाल्याच्या गादीला जोरदार धडक देते. या अपघातानंतर परिसरात एकच खळबळ उडते. या अपघातात चार ते पाच जण जखमी झाले आहेत.

अपघातानंतर जवळच असलेले लोक हे अपघातात जखमी झालेल्या लोकांच्या मदतीला धावताना या व्हिडिओत दिसत आहेत. स्थानकांची या अपघाताची माहिती पोलिसांनी कळवली असता पोलीस तात्काळ घटनास्थळी दाखल झाले. मिळालेल्या माहितीनुसार, अद्याप याप्रकरणी गुन्हा दाखल करण्यात आलेला नाही. पोलीस याचा अधिक तपास करत आहेत.

दरम्यान, याआधी नागपुरात मॉर्निंग वॉक करणाऱ्या २ महिलांना भरधाव कारने उडवल्याची घटना घडली होती. नागपूरच्या शारदा चौकात ३० मे रोजी ही घटना घडली होती. यामध्ये ममता अदमाने या गंभीर जखमी झाल्या होत्या.