अमोल कलये, रत्नागिरी
Ratnagiri News: मुंबई- गोवा महामार्गावरुन (Mumbai-Goa Highway) प्रवास करणाऱ्या प्रवाशांसाठी महत्वाची बातमी आहे. या महामार्गावरील परशुराम घाट (Parshuram Ghat) गेल्या काही दिवसांपासून बंद होता. पण आता हा घाट 24 तास वाहतुकीसाठी खुला करण्यात आला आहे. त्यामुळे या मार्गावरुन प्रवास करणाऱ्यांना दिलासा मिळाला आहे.
मुंबई- गोवा राष्ट्रीय महामार्गावरील परशुराम घाटातील चौपदरीकरण पावसाळ्यापूर्वी पूर्ण करण्यासाठी या घाटातील वाहतूक 25 एप्रिल 2023 पासून दुपारी 12 ते सायंकाळी 5 वाजेपर्यंत बंद ठेवण्यात आली होती. पण 11 मे म्हणजे आजपासून हा घाट 24 तास वाहतुकीसाठी खुला करण्यात आला आहे. परशुराम घाट वाहतुकीसाठी बंद असल्यामुळे प्रवाशांना मोठा त्रास होत होता. पण आता हा घाट पुन्हा सुरु झाल्यामुळे प्रवाशांना मोठा दिलासा मिळाला आहे.
परशुराम घाटातील चौपदरीकरणाचे काम पावसाळ्यापूर्वी पूर्ण व्हावे यासाठी ठेकेदार कंपनीने महामार्ग बंद करण्याची मागणी केली होती. या मागणीनंतर राष्ट्रीय महामार्ग विभाग आणि जिल्हा प्रशासनाने निर्णय घेत परशुराम घाटातील वाहतूक बंद करण्याचा निर्णय घेतला होता. 25 एप्रिल 2023 पासून ते आजपर्यंत या घाटातील वाहतूक बंद करण्यात आली होती.
परशुराम घाट हा एकूण पाउणे तीन किलोमीटरचा असून यापैकी फक्त 500 मिटरचे चौपदरीकरणाचे काम शिल्लक राहिलेले होते. शिवाय दीड किलोमीटरच्या सुरक्षा वॉलला भरावही करायचा असल्याने हा घाट वाहतूकीसाठी बंद करण्यात आला होता. जर हे काम पावसाळ्यापूर्वी पूर्ण झाले नसते तर या घाटातून वाहतूक करणाऱ्या प्रवाशांना त्रास झाला असता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
