Chandwad News : आईसह ७ महिन्याच्या लेकीचा धरणात बुडून मृत्यू

- अजय साेनवणे

Kedrai Dam News : चांदवड तालुक्यातील खडक ओझर येथील केंद्राई देवी मातेचा (kedrai devi mata) नवसपूर्ती करण्यासाठी अहमदनगर जिल्ह्यातील अकोले (akole) येथील वडार समाजाचे नागरिक आले होते. यावेळी २२ वर्षीय महिला व तिची 7 महिन्याची चिमुकली केंद्राई धरणातील पाण्यात बुडून मयत झाल्या. या घटनेबाबत वडणेरभैरव पोलीसात (vadner bhairav) अकस्मात मृत्यूची नोंद करण्यात आली आहे. (Maharashtra News)

याबाबत पोलिसांनी दिलेली माहिती अशी : अहमदनगर जिल्ह्यातील अकोले तालुक्यातील नाईकवाडी शाहू नगर येथील वडार समाजाचे नागरिक शुक्रवार रोजी चांदवड तालुक्यातील खडक ओझर येथील केंद्राई माता मंदिरात नवसपूर्ती करण्यासाठी आले होते.

यावेळी ज्या सात वर्षाच्या मुलीचा नवस होता. ती ७ महिन्याची तन्वी निलेश देवकर व तिची आई अर्चना निलेश देवकर (22) या दोघी माय (mother) लेकी केंद्राइ धरणातील (kedrai dam) पाण्यात बुडून मयत झाल्या.

या घटनेची माहिती मिळताच वडणेरभैरव चे सहा. पोलीस निरीक्षक मयूर भामरे यांनी घटनास्थळी पोहचुन नागरिकांच्या मदतीने मृतदेह पाण्याबाहेर काढून उत्तरीय तपासणीसाठी चांदवडच्या उपजिल्हा रुग्णालयात (chandwad hospital) आणण्यात आले.

Edited By : Siddharth Latkar