Suresh Dhas : संजय राऊत इंटरनॅशनल स्पीकर, त्यांच्यावर बोलण्याइतकी माझी...; सुरेश धसांचा टोमणा

बीड : जरांगे पाटील हे जरी माझ्यावर रागावले असले तरी मला त्याचा राग नाही, आणि या संदर्भामध्ये आज मस्साजोग या ठिकाणी जी बैठक होत आहे. त्या बैठकीनंतर मी २० फेब्रुवारी रोजी प्रसार माध्यमांशी बोलणार आहे. त्याचबरोबर शिरूर नगरपंचायती संदर्भात प्रश्न विचारला असता त्यांनी सांगितले की अशा छोट्या-मोठ्या आंदोलनाकडे लक्ष देऊ नका, आज सुरेश धस बीडच्या जिल्हाधिकारी कार्यालय येथे आले असता ते प्रसार माध्यमांशी बोलत होते.

श्री. क्षेत्र नारायण गडाची जमीन आहे ही जमीन गायरान जमीन आहे. श्री. क्षेत्र नारायण गड हा गायरान जमिनीमध्ये येत आहे आणि तो येत असल्यामुळे ही जमीन गडाच्या नावावर करण्यात यावी. या संदर्भामध्ये जिल्हाधिकारी यांना भेटलो आहे. तर दुसरा विषय असा आहे की बिबट्याच्या संदर्भामध्ये याच्यावर काहीतरी निर्णय घ्यावा याबद्दल देखील आम्ही वनाधिकारी यांच्याशी भेटलो आहोत. आष्टी तालुक्यातील जे लघु सिंचन तलाव आहेत या तलावातील गाळ काढण्यासाठी देखील आम्ही जिल्हाधिकाऱ्यांना पत्र दिले आहे, असंही सुरेश धस यावेळी म्हणाले आहेत.

संजय राऊत हे इंटरनॅशनल स्पीकर आहेत त्यांच्यावर बोलण्याइतकी माझी लायकी नाही. कृषी विभागात जो घोटाळा झाला आहे त्यासंदर्भात मी आज काहीही भाष्य करणार नाही. कारण आज मस्साजोगला या संदर्भात बैठक चालू आहे.