Gulabrao Patil : धनुष्यबाण चिन्ह न मिळाल्याचे दुःख; मंत्री गुलाबराव पाटलांची पहिली प्रतिक्रिया

जळगाव - दोन्हीही गटाची धनुष्यबाण चिन्हासाठी मागणी होती मात्र चिन्ह नाही मिळालं याचं आम्हाला दुःख असल्याचे मत मंत्री गुलाबराव पाटील यांनी व्यक्त केले आहे. निवडणूक आयोगाच्या निकालानंतर मुख्यमंत्र्यांनी आज वर्षा निवास स्थानावरती बैठक बोलावली आहे. या बैठकीत नवीन चिन्ह निश्चित होण्याची शक्यता मंत्री गुलाबराव पाटील (Gulabrao Patil) यांनी वर्तवली आहे.

शिवसेना संपली असा आम्ही कधी म्हणत नाही मात्र ताकतीच्या आधारावर पाहिलं तर दसरा मिळाव्यात कुणाची ताकद वाढली हे सिद्ध होत असल्याचे म्हणत गुलाबराव पाटील यांनी नाव न घेता उद्धव ठाकरे यांना चिमटा काढला आहे.

तर बाळासाहेबांची शिवसेना संपायची असती तर आम्ही दुसऱ्या पक्षात गेलो असतो त्यामुळे कोणी काही म्हणत असलं तरी बाळासाहेबांची शिवसेना आम्ही वाचवली असल्याचे म्हणत गुलाबराव पाटलांनी विरोधकांवर निशाणा साधला आहे. तर निवडणूक आयोगाचा निर्णय हा तात्पुरत्या स्वरूपाचा असला तरी नवीन चिन्हासाठी मात्र दोन्हीही पक्ष तयारीला लागले असल्याचे मतही गुलाबराव पाटील यांनी व्यक्त केले आहे.

Edited By -Shivani Tichkule