Maratha Aarakshan Andolan: थेट मोबाईल टॉवरवर चढून एक मराठा लाख मराठाच्या घोषणा; आरक्षणासाठी ५० वर्षीय व्यक्तीचं आंदोलन

Jalna:

मराठा आरक्षणासाठी अजून नागरिकांचे आंदोलन सुरूच आहे. आरक्षण मिळावे यासाठी आज एका व्यक्तीने थेट मोबाईट टॉवरवर चढून शोले स्टाईल आंदोलन केलं आहे. गेल्या तासाभरापासून ही व्यक्ती या टॉवरवर आंदोलन करत आहेत. यामुळे गावात एकच खळबळ उडालीये. (Latest Marathi News)

मराठा आरक्षणाच्या मागणीचे लोन आता गावागावात पसरायला सुरुवात झाली आहे. मराठा आरक्षणाच्या मागणीसाठी अंतरवाली सराटी गावात आमरण उपोषण करणाऱ्या मनोज पाटील जरांगे यांना पाठिंबा देण्यासाठी वेगवेगळ्या जिल्ह्यांतून आंदोलन सुरू आहे.

मराठ्यांना आरक्षण मिळावे या मागणीसाठी भोकरदन तालुक्यातील गोकुळ गावातील 50 वर्षीय तुळशीराम श्रीपत शेळके यांनी आंदोलनाला सुरूवात केलीये. सकाळी नऊ वाजल्यापासून गावातील मोबाईल टावरवर चढून बसले आहेत. मोबाईल टॉवरवरून त्यांनी मराठा आरक्षणासाठी जोरदार घोषणाबाजी केली.

तुळशीराम शेळके हे अल्पभूधारक शेतकरी असून त्यांनी मराठा समाजाच्या मागण्यासाठी हे आंदोलन सुरु केलं आहे. शेळके हे गेल्या एक तासापासून या मोबाईल टावरवर चढून जोरदार घोषणाबाजी करत आहेत.