Pimpri Chinchwad Crime News: भंगार खरेदीवरून किरकोळ वाद, जंगलात नेलं अन्...; पिंपरी-चिंचवडमधील थरारक घटना

Pimpri Chinchwad Crime News :

गेल्या काही दिवसांपासून पुणे,पिंपरी चिंचवडमध्ये गुन्हेगारी घटनांमध्ये मोठी वाढ होत आहे. पिंपरी चिंचवड शहरात भंगार खरेदीच्या किरकोळवादातून एका भंगार व्यावसायिकाची हत्या करण्यात आली आहे. या भंगार व्यावसायिकाची डोक्यात लोखंडी हातोडीने वार करून हत्या करण्यात आली आहे. या घटनेने परिसरात एकच खळबळ उडाली आहे. (Latest Marathi News)

मिळालेल्या माहितीनुसार, पिंपरी-चिंचवडमध्ये एक भंगार व्यावसायिकाची हत्या करण्यात आली आहे. सिराज अब्दुल हसन खान असं भंगार व्यवसायिकाचं नाव आहे.

सिराज अब्दुल हसन खान यांच्या हत्या प्रकरणात चिखली पोलिसांनी सैफुद्दीन खान आणि मोहम्मद अनिस या दोन आरोपींना अटक केली आहे. या घटनेचा पुढील तपास पोलिसांकडून सुरू करण्यात आला आहे.

काय आहे प्रकरण?

पिंपरी-चिंचवडमध्ये काही महिन्यापूर्वी भंगार खरेदीच्या किरकोळ वादातून सिराज अब्दुल हसन आणि सैफुद्दीन खान यांच्यात किरकोळ वाद झाला होता. या किरकोळ वादामुळे सैफउद्दीन खान याला सिराज अब्दुल हसनपासून जिवाला धोका उदभवू शकतो असं जाणवत होतं.

सैफउद्दीन खान याने सिराज अब्दुल हसनला भंगार खरेदी करण्याचं कारण सांगून आपल्या दुचाकीवर बसवून नेलं होतं. त्यानंतर चहरोली परिसरातील जंगलात मित्राच्या मदतीने सिराजने अब्दुलच्या डोक्यात लोखंडी हातोडीने वार केला. या हल्ल्यात अब्दुलचा मृत्यू झाला आहे. असं पोलीस तपासात निष्पन्न झालं आहे. या घटनेने परिसरात एकच खळबळ उडाली आहे.