Maratha Aarakshan Andolan In Nanded : नांदेडला कडकडीत बंद, आंदाेलकांनी धर्माबादला टायर पेटवला, पैनगंगेच्या नदीत जल समाधीचा प्रयत्न (पाहा व्हिडिओ)

- संजय सूर्यवंशी

Nanded News : जालना येथे घडलेल्या घटनेच्या निषेधार्थ आज (साेमवार) सकल मराठा समाजाच्या वतीने नांदेड बंदची हाक देण्यात आली हाेती. या बंद नागरिकांनी उत्तम प्रतिसाद दिला आहे. या बंदच्या पार्श्भूमीवर जिल्ह्यात मोठा पोलीस बंदोबस्त लावण्यात आला आहे. (Maharashtra News)

नांदेडच्या माहुर येथे सकल मराठा समाजाच्या (sakal maratha samaj) कार्यकर्त्यांनी पैनगंगेच्या नदी पात्रात जल समाधी आंदोलन केले. या आंदोलनात सकल मराठा समाजाचे कार्यकर्ते मोठ्या संख्येने सहभागी झाले होते. यावेळी पोलिसांचा देखील मोठा बंदोबस्त तैनात करण्यात आला होता. पोलिसांनी या आंदोलकांना ताब्यात घेतले आहे.

नांदेडच्या धर्माबाद शहरात सकल मराठा समाजाच्या वतीने टायर जाळून जालना घटनेचा निषेध केला आहे. दरम्यान आज सकाळी नांदेड शहरातील राज कॉर्नर येथून सकल मराठा समाजाच्या वतीने मोर्चा काढण्यात येणार आहे. हा मोर्चा जिल्हाधिकारी कार्यालयावर धडकणार आहे. कुठलाही अनुचित प्रकार घडू नये यासाठी पोलिसांचा फाैज फाटा तैनात करण्यात आला आहे.

Edited By : Siddharth Latkar