Parbhani Crime News : क्षुल्लक कारणावरून महिला वाहकाला प्रवाशाने मारहाण केल्याची घटना गुरुवारी सायंकाळी परभणी जिल्ह्यात घडली. या प्रकरणी गंगाखेड पाेलिस ठाण्यात प्रवाशावर गुन्हा नाेंदविण्यात आला आहे. (Maharashtra News)
पाेलिसांनी दिलेल्या माहितीनूसार अहमदपूर आगाराची बस (एमएच 20 बीएल 2018) गंगाखेड मार्गे जात असताना कासारवाडी पाटीवर प्रवाशी असलेले बालासाहेब रामराव कदम यांनी बेल वाजवली. वाहक ठकुबाई आप्पासाहेब गुट्टे यांनी त्याबाबत कदम यांना विचारणा केली.
त्यावेळी कदम यांनी गुट्टे यांना लाथा-बुक्क्याने मारहाण केली. इतर प्रवाशांनी बालासाहेब कदम यांना आवरण्याचा प्रयत्न केला. मात्र त्यांनाही त्यांनी मारहाण करण्याचा प्रयत्न केला. या प्रकारामुळे चालकाने बस गंगाखेड ठाण्यात आणली. पाेलिस ठाण्यात गुट्टे यांनी हा सर्व प्रकार कथित केला. त्यानंतर बालासाहेब कदम यांच्यावर गुन्हा दाखल केल्याची माहिती पाेलिसांनी दिली.
Edited By : Siddharth Latkar
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
