Manoj Jarange Patil: एवढं प्रेम आहे तर देवेंद्र फडणवीसांशी लग्न करा; मनोज जरांगे पाटील यांचा भाजप नेते लाड यांना शिव्यांचा 'प्रसाद'

भाजप नेते प्रसाद लाड यांच्या टीकेला उत्तर मराठा समाजाचे नेते मनोज जरांगे पाटील यांची जीभ घसरली. माझ्या नादी नको पडू, मनोज जरांगे पाटील हा जातीसाठी लढतो. जात विकून घर मोठं करणारी तुमची औलाद असल्याची टीका मनोज जरांगे पाटील यांनी प्रसाद लाड यांच्यावर केलीय. दरम्यान लाड यांच्यावर जरांगेंनी शिवीगाळ केल्यामुळे प्रसाद लाड आणि जरांगे पाटील यांच्यातील वाद चिघळण्याची शक्यता आहे.

मनोज जरांगे पाटील यांनी देवेंद्र फडणवीस यांच्यावर केलेल्या टीकेला भाजप नेत्यांनी जोरदार प्रत्युत्तर दिलं. मराठा आरक्षण मुद्द्यावरुन जरांगे पाटील हे देवेंद्र फडणवीसांना वारंवार लक्ष्य करत असतात. त्यावरुन भाजप नेते प्रसाद लाड यांनी जरांगे पाटील यांच्यावर टीका केली. मनोज जरांगे हे देवेंद्र फडणवीस यांचं नाव घेऊन द्वेष करत आहेत. जरांगे पाटील यांना डीडी नावाचा रोग झाला असून त्यांना देवेंद्र द्वेष झाल्याची टीका लाड यांनी केली होती.

मराठा आरक्षण मुद्द्यावरुन मनोज जरांगे पाटील हे देवेंद्र फडणवीसांना वारंवार लक्ष्य करत असतात. त्यावरुन भाजप नेते प्रसाद लाड यांनी मनोज जरांगे पाटील यांना प्रत्युत्तर दिलं. मनोज जरांगे हे देवेंद्र फडणवीस यांचं नाव घेऊन द्वेष करत आहेत.जरांगे पाटील यांना डीडी नावाचा रोग झाला असून त्यांना देवेंद्र द्वेष झाल्याची टीका लाड यांनी केली होती. लाड यांच्या टीकेला उत्तर देतांना जरांगे पाटील यांनी भाजपचे विधान परिषदेचे आमदार प्रसाद लाड यांना शिवीगाळ केली.

अंतरावली सराटी येथे पत्रकार परिषदेत बोलतना मनोज जरांगे पाटील यांनी प्रसाद लाड, प्रविण दरेकर आणि देवेंद्र फडणवीसांवर हल्ला चढवला. परिषदेच्या सुरुवातीलाच जरांगेंनी प्रसाद लाड यांना उत्तर देतांना त्यांना शिवीगाळ केली. प्रसाद लाड हा भंगार नेता आहे, माझ्या नादी लागू नको. माझ्यासमोर लाडी गुलाबी जमत नाही. असे झिगूर मागूर माझ्यासमोर अनेक आलेत. आमच्या गोर गरीब मराठ्यामध्ये ढवळाढवळ त्यांनी करु नये, तुला महागात पडेल, असा दम जरांगे पाटील यांनी लाड यांना दिलाय. प्रसाद लाड हे खरं मराठ्याच्या रक्ताचे असतील त्यांनी फडणवीसांना आरक्षणाची विचारणा करावी, असं जरांगे पाटील म्हणालेत.