अंतरवाली सराटीत झालेल्या मराठा आंदोलनाबाबत मंत्री छगन भुजबळ यांनी खळबळजनक दावा केलाय. पोलिसांच्या लाठीचार्जनंतर मनोज जरांगे तिथून निघून गेले होते, पण रोहित पवार आणि राजेश टोपे यांनी जरांगे यांना पुन्हा तिथं आणून बसवलं असं म्हणत छगन भुजबळ यांनी रोहित पवार आणि राजेश टोपेंवर गंभीर आरोप केलाय,
मनोज जरांगे पाटील यांच्याबद्दल बोलताना छगन भुजबळ म्हणाले आहेत की, ''आंतरवाली सराटीमध्ये दगडफेकीला ज्या वेळेला सुरुवात झाली, लाठीमार झाला त्यावेळेला माझ्या माहितीप्रमाणे जरांगे तिथून निघून गेले होते. त्यावेळी राष्ट्रवादीचे दोन आमदार एक स्थानिक आमदार आणि राजेश टोपे या दोघांनी त्यांना तिथे परत आणून बसवलं.''
ते म्हणाले, ''शरद पवार साहेबांना तिथे बोलावलं. पवारसाहेब गेले म्हणून उद्धव ठाकरेही तिथे गेले. खरी माहिती ही आहे की, त्या दोघांना कल्पना नव्हती पवार साहेबांना पण आणि उद्धव ठाकरेंना पण इथे पोलिसांवर मोठ्या प्रमाणात दगडफेक झाली आहे.''
दरम्यान, छगन भुजबळ यांच्या आरोपांवर मराठा नेते मनोज जरांगे पाटील यांनी प्रत्युत्तर दिलं आहे. ते म्हणाले आहेत की, ''छगन भुजबळ तुम्ही हे काम करू नको, बाकी मी बघतो कोण कुठे होता, कोणी आणून बसवलं. तुमचं सरकार आहे. देवेंद्र फडणवीस यांची चौकशी करतील.''
मनोज जरांगे पुढे म्हणाले, ''कोणी काय केलं आणि काही नाही, याची चौकशी फडणवीस करतील. फडणवीस हुशार आहेत. यावरच भाष्य करताना विधानसभेचे विरोधी पक्षनेते विजय वडेट्टीवार म्हणाले की, ''मला ते जास्त माहीत नाही. सरकार म्हणून त्यांच्याकडे जास्त माहिती असेल. लाठीचार्ज केला नसता मनोज जरांगे नावाचा नेता महाराष्ट्राला भेटला नसता.''
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.