Manoj Jarange Patil: '... तर मराठा नेत्यांना देखील पाडा', शांतता रॅलीच्या दुसऱ्या दिवशी मनोज जरांगे कडाडले VIDEO

Manoj Jarange Patil Maratha Reservation Rally 2nd Day: मराठा आंदोलक मनोज जरांगे पाटील यांच्या शांतता रॅलीचा दुसरा दिवस आहे. यावेळी जरांगेंनी मराठ्यांच्या नेत्यांना पाडण्याचं आवाहन केलंय. नेमकं मनोज जरांगे काय बोलले, ते आपण सविस्तर जाणून घेवू या.
 मराठा आंदोलक मनोज जरांगे पाटील
Manoj Jarange PatilSaam Tv

माधव सावरगावे, साम टीव्ही छत्रपती संभाजीनगर

मनोज जरांगे पाटलांनी आज मराठा नेत्यांना देखील पाडण्याचं आवाहन केलंय. जरांगे पाटील शांतता रॅलीच्या दुसऱ्या दिवशी माध्यमांशी संवाद साधताना कडाडले आहेत. ओबीसींच्याच नाही तर मराठ्यांना त्रास देणाऱ्या मराठ्यांच्या नेत्यांना देखील पाडा. मराठ्यांना त्रास व्हायला नको, असं वक्तव्य जरांगे पाटलांनी केलंय.

जरांगे पाटलांची नेमकी भूमिका काय?

मनोज जरांगे पाटील (Manoj Jarange Patil) म्हणाले की, मराठ्यांचा लढा मी लढत असल्यामुळे अनेक जणांचं पोट दुखतंय. यामध्ये आमचेही काहीजण आहेत. त्यामुळे मला उघडं पाडण्याचा प्रयत्न सुरू आहे. काही ठिकाणी माझ्या विरोधात पत्रकार परिषदा सुरू आहे. पण माझ्याविरोधात बोलणारे समाजाच्या नजरेत उघडे पडत आहेत. तात्पुरते वाद लावण्याचा प्रयत्न सुरू आहे. जर मला संपवलं गेलं, तर समाजाला आरक्षण मिळणार (Maratha Reservation Rally) नाही. त्यामुळे समाजाने आंदोलन आणि माझ्या पाठीशी उभे राहायला हवं असल्याची भूमिका जरांगेंनी मांडली आहे.

भुजबळांवर आरोप

समाजाची खदखद असल्यामुळे ते आंदोलनात सहभागी होत आहेत. हाकेंना विरोधक मानत नाही, यामागे भुजबळ असल्याचा आरोप त्यांनी केला आहेत. मराठ्यांच्या नोंदी सापडलेल्या असताना आपले नेते मराठ्यांना आरक्षण द्यायला नाही म्हणतात, असं सामान्य ओबीसी लोकांना वाटतं म्हणून ते देखील आंदोलनात सहभागी होत असल्याचं जरांगेंनी सांगितलं (OBC Reservation) आहे.

 मराठा आंदोलक मनोज जरांगे पाटील
Maratha Reservation: 'माझ्या लेकराला अन् समाजाला आरक्षण द्या', भावनिक चिठ्ठी लिहित मराठा तरुणाने संपवलं आयुष्य

मला मुख्यमंत्री व्हायचं नाही...,

या निवडणुकीत २८८ उमेदवार उभे करायचे ठरले, तर सगळ्या जाती धर्माचे लोक उभे करणार आहे. सगळ्या जातीचे उभे राहू द्या. अजून दौऱ्याचे टप्पे दौऱ्याचे बाकी आहेत. मला मुख्यमंत्री व्हायचं नाही, राजकारण हा माझा मार्ग नाही असं जरांगे पुन्हा म्हणाले आहेत. ५७ लाख नोंदी सापडल्यात, तरी दीड कोटी मराठा आरक्षणात गेला (Maratha Reservation) आहे. या आंदोलनामुळे १० टक्के आरक्षण मिळालेलं आहे, पण हे टिकणार नसल्यामुळे लढा सुरू असल्याचं जरांगे पाटलांनी म्हटलंय.

 मराठा आंदोलक मनोज जरांगे पाटील
Maratha Reservation: आरक्षणासाठी मनोज जरांगे पुन्हा मैदानात! लाखोंच्या संख्येने मराठा बांधव एकटवणार; काय आहे नवी रणनिती? पाहा VIDEO

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com