ऐन निवडणुकीत महायुती सरकारला मोठा धक्का; लाडकी बहीण योजनेचे पैसे रखडले, कारण काय?

महाराष्ट्र निवडणूक आयोगाने लाडकी बहीण योजनेचे डिसेंबर आणि जानेवारी महिन्याचे हप्ते रोखले आहेत. निवडणूक आयोगाने आचार संहितेचा हवाला देत लाडकी बहीण योजनेचे पैसे रोखलेत. मुंबईसहित २९ महापालिकेत १५ जानेवारी रोजी मतदान होणार असल्याने आयोगाने आदेश दिलेत.

लाडकी बहीण योजनेचे डिसेंबर आणि जानेवारीचे हप्ते १४ जानेवारी रोजी देणार असल्याचा दावा महायुतीच्या नेत्यांकडून केला जात होता. त्याआधीच निवडणूक आयोगाने हप्ता देण्यास राज्य सकारला रोखलं. आयोगाच्या निर्णयावर महायुतीकडून कोणीही प्रतिक्रिया देण्यात आलेली नाही. खरंतर भाजप नेत्यांकडून मकर संक्रांतीच्या दिवशी ३००० रुपये लाडकीच्या बँक खात्यात पैसे येणार असल्याचा दावा करण्यात आला होता.

पैसे रखडण्याचं कारण काय?

लाडकी बहीण योजनेचा लाभ अग्रिम स्वरुपात देण्यास निवडणूक आयोगने मज्जाव केलाय. महानगरपालिका निवडणुकांच्या पार्श्वभूमीवर आचारसंहिता लागू असताना लाडकी बहीण योजनेचा नियमित किंवा प्रलंबित लाभ देता येईल. पण जानेवारी महिन्याचा लाभ अग्रिम स्वरुपात देण्यास राज्य निवडणूक आयोगाने मज्जाव केलाय. त्याचबरोबर नवीन लाभार्थीदेखील निवडता येणार नाहीत, असेही निर्देश राज्य निवडणूक आयोगाने दिलेत.