Assembly Election: विधानसभेसाठी मविआचा कोणी 'चेहरा' नाही, निकालानंतरच ठरणार मुख्यमंत्री

मविआत मुख्यमंत्रिपदाच्या चेह-यावरून पुन्हा वाद होण्याची शक्यता आहे. कारण उद्धव ठाकरेंची चेहरा जाहीर करण्याची मागणी पवारांनी फेटाळून लावलीय. आता जे काही आहे ते निकालानंतरच ठरणार असल्याचं पवारांनी जाहीर केलंय. त्यामुळे हा मुद्दा निकाली निघणार की वाद होणार यावरचा हा विशेष रिपोर्ट.

विधानसभा निवडणुकीसाठी मुख्यमंत्रिपदाचा चेहरा जाहीर करण्यावरून गेल्या काही दिवसांपासून मविआत जोरदार रस्सीखेच सुरू होती. मात्र आता हा मुद्दा शरद पवारांनी निकालात काढलाय. कारण मुख्यमंत्रिपदाचा चेहरा जाहीर करण्याची उद्धव ठाकरेंनी वारंवार केली होती. मात्र आता कशात काही नाही असं सांगत निकालानंतरच याबाबत निर्णय घेण्यात येईल असं पवारांनी ठामपणे सांगितलंय.

उद्धव ठाकरेंनी भाजपशी फारकत घेतल्यानंच मविआची निर्मिती झाली होती. त्यामुळे उद्धव ठाकरे मुख्यमंत्री झाले. मात्र राज्यातील राजकीय गणितं बदललीएत. त्यात राष्ट्रवादीतही फुट पडलीये. लोकसभा निवडणुकीत पवारांच्या राष्ट्रवादीचा स्ट्राईकरेट सर्वाधिक राहीला. त्यामुळे आगामी विधानसभेसाठी मोर्चेबांधणी करताना पवार सावध खेळी खेळताना दिसतात. मुख्यमंत्रिपदाचा चेहरा जाहीर न करुन एकप्रकारे पवारांनी ठाकरेंच्या मनसुब्यांवर पाणी फिरवलंय एवढं नक्की. त्यामुळे आता उद्धव ठाकरेंच्या भुमिकेकडे लक्ष लागलंय..