Water Crisis: चिंता वाढली! राज्यातील धरणांमधील पाणीसाठ्यात मोठी घट, फक्त ६४.१७ टक्के पाणीसाठा शिल्लक

Maharashtra Water Crisis: राज्यात यंदा पाऊस न झाल्यामुळे पाणी संकट भीषण आहे. राज्यातील धरणांमधील पाणीसाठ्यात मोठी घट झाली आहे. धरणांमध्ये फक्त ६४.१७ टक्के पाणीसाठा शिल्लक राहिला आहे.
Water Crisis: चिंता वाढली! राज्यातील धरणांमधील पाणीसाठ्यात मोठी घट, फक्त ६४.१७ टक्के पाणीसाठा शिल्लक
Maharashtra Water CrisisSaam Tv
Published On: 

राज्यात यंदा म्हणावा तसा पाऊस पडला नाही. कमी पाऊस झाल्यामुळे राज्यावर सध्या दुष्काळाचे सावट आहे. शेतीसाठी पाणी नसल्यामुळे पीकं करपून गेली. त्यामुळे राज्यातील शेतकरी अडचणीत आहे. काही जिल्ह्यात पिण्याच्या पाण्याचा प्रश्न देखील गंभीर आहे. राज्यातील धरणांची स्थिती देखील गंभीर आहे. समोर आलेल्या आकडेवारीनुसार, राज्यातील धरणांमध्ये फक्त ६४.१७ टक्के पाणीसाठा शिल्लक आहे. गेल्या वर्षीच्या तुलनेत या पाणीसाठ्यामध्ये २६.३७ टक्क्यांची तूट आहे.

धरणांमधील पाणीसाठ्यात घट झाल्यामुळे राज्यावर पाणी टंचाईची टांगती तलवार आहे. पुढचे ६ महिने काटेकोरपणे पाणी वापराचे नियोजन करावे लागणार आहे. जलसंपदा विभागाने नुकताच दिलेल्या एका अहवालानुसार, १५ नोव्हेंबरपर्यंत राज्यातील सर्व धरणांमधील उपयुक्त पाणीसाठा ३३,८२८.७३ दशलक्ष घनमीटरपर्यंत मर्यादित झाला आहे. राज्यातील इतर धरणांच्या तुलनेत सर्वात कमी पाणीसाठा छत्रपती संभाजीनगर विभागात आहे. संभाजीनगर विभागात फक्त ३६.७५ टक्के इतका उपयुक्त पाणीसाठा आहे.

Water Crisis: चिंता वाढली! राज्यातील धरणांमधील पाणीसाठ्यात मोठी घट, फक्त ६४.१७ टक्के पाणीसाठा शिल्लक
Water Cut : नवी मुंबईकरांसाठी अत्यंत महत्त्वाची बातमी! मंगळवारी नळाला पाणी येणार नाही, कोणते भाग प्रभावित?

जलसंपदा विभागाने सांगितले की, राज्यातील मोठे, मध्यम आणि लघु प्रकल्पातील एकूण ३०४२ धरणांमध्ये १५ नोव्हेंबरपर्यंत ६४.१७ टक्केच उपयुक्त पाणीसाठा आहे. मागच्यावर्षी याच दिवशी हा पाणीसाठा ९०.५४ टक्के इतका होता. त्या तुलनेमध्ये यंदा पाणीसाठ्यात २६.३७ टक्क्यांची तूट आहे. राज्यातील अनेक शहरावर यंदा पाणी कपातीची टांगती तलवार आहे. काही प्रमुख शहरातील महानगर पालिकांनी आधीच पाणीकपात जाहीर केली आहे.

Water Crisis: चिंता वाढली! राज्यातील धरणांमधील पाणीसाठ्यात मोठी घट, फक्त ६४.१७ टक्के पाणीसाठा शिल्लक
Water Crisis : मुंबई-पुण्यावर पाणीकपातीचे संकट! कोणत्या धरणात किती साठा; गतवर्षापेक्षा नक्की किती घट?

मागच्या वर्षी १५ नोव्हेंबर २०२६ रोजी राज्यातील सर्व धरणांची एकूण उपयुक्त साठवण क्षमता ४१ हजार ९.६६ घनमीटर इतकी होती. त्यापैकी सध्या २६ हजार ३१६.२ दशलक्ष घनमीटर उपयुक्त पाणीसाठा शिल्लक राहिला आहे. राज्यात सर्वात कमी पाणीसाठा संभाजीनगर विभागात आहे. त्यानंतर अमरावती विभागात ५२.२७ टक्के, नागपूर विभागामध्ये ५६.०२ टक्के, नाशिक विभागामध्ये ७४.०५ टक्के, पुणे विभागात ७४.८२ टक्के पाणीसाठा शिल्लक आहे.

Water Crisis: चिंता वाढली! राज्यातील धरणांमधील पाणीसाठ्यात मोठी घट, फक्त ६४.१७ टक्के पाणीसाठा शिल्लक
Mumbai Dam Water Level: मुंबईकरांची चिंता वाढली! सातही धरणातील पाणीसाठ्यात मोठी घट, कोणत्या धरणात किती पाणीसाठा?

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.