ST Bus Ticket Price: एसटी प्रवास महागणार? मे महिन्यापर्यंत भाडेवाढ थांबवली; दरवाढीबाबत समोर आली मोठी अपडेट

ST Bus Ticket Rates : गेल्या काही दिवसांपासून देशात महागाई मोठ्या प्रमाणात वाढत आहे. पेट्रोल-डिझेलच्या भावात वाढ झाल्यामुळे प्रत्येक गोष्टीचे दर वाढत आहे. खासगी वाहनचालकांकडून दरवाढ करण्यात आली आहे, पण अद्याप एसटी महामंडळाकडून कोणतीही दरवाढ जाहीर करण्यात आली नाही. पण हा दिलासा फक्त मे महिन्यापर्यंतच राहू शकतो, कारण मंत्री प्रताप सरनाईक यांनी एसटीच्या दरवाढीचे संकेत दिले आहेत. केंद्र आणि राज्याकडून पुरवठा मिळाला नाही तर मे महिन्यानंतर एसटीच्या तिकिटाच्या किंमती वाढू शकतात, असे त्यांनी सांगितेल. ते मुंबईत पत्रकार परिषदेत बोलत होते.

एसटीला १० लाख ८७ हजार लिटर डिझेल लागतं. ⁠इंडियन ऑईलकडून डिझेल पुरवठा होतं आहे. पण ⁠मागील आठवड्यात डिझेलच्या दरात ३ रुपयांटी वाढ करण्यात आली. डिझेलच्या दर वाढीमुळे ३३ लाख ७० हजार रूपये आम्हाला जास्त मोजावे लागत आहेत. त्यामुळे ⁠महामंडळाचा वर्षाला १२४ कोटींचा तोटा होत आहे, असे प्रताप सरनाईक म्हणाले.

⁠

जागतिक पातळीवर युद्धाचा भडका उडाल्यास आणखी परिणाम होईल. ⁠पंतप्रधान नरेंद्र मोदी यांनाही याबाबत संकेत दिले आहेत. ⁠भविष्यात काय होईल, हे आता सांगता येत नाही. ⁠विशेष सवलत देण्याचा निर्णय झाल्यास आम्ही दरवाढ करणार नाही. ⁠उद्या मंत्रिमंडळची बैठक आहे, त्यामध्ये मुख्यमंत्री देवेंद्र फडणवीस यांना याबाबतचे पत्र देणार आहे. ⁠मे पर्यंत आम्ही कोणतीही भाडेवाढ करणार नाही, तोपर्यंत थांबणार आहोत. पण ⁠पुढील १० ते १२ दिवस केंद्र आणि राज्य सरकारनं पुर्तता केली तर दरवाढ करणार नाही. ⁠मात्र न झाल्यास दरवाढ करावी लागेल, असे स्पष्ट संकेत प्रताप सरनाईक यांनी दिले. ⁠ऑईल कंपनीने पूर्व किंमतीत डिझेल दिले तर दरवाढ करणार नाही. ⁠इंधनाच्या किंमती वाढल्या तर आम्हाला दरवाढ करावी लागेल. ⁠ज्या घटकांना सवलती दिल्या आहेत त्या लागू राहतील, असेही ते म्हणाले.

मुंबईत अनाधिकृत बाईक टॅक्सी चालवल्या जात आहेत, त्याबाबत सायबर पोलिसांना पत्र लिहून कारवाईच्या सूचना दिल्या आहेत. ⁠काही ठिकाणी महिलांबरोबर गैरप्रकार घडले होते. ⁠अनेक नियम पायदळी तुडवले जात होते. ⁠कंपन्यांनी नियम पायदळी तुडवले त्यामुळे ही भूमिका घेतल्याचे त्यांनी सांगितले. ⁠१५ तारखेला गुगलला पत्र दिलं, त्यानंतर त्यांनी ओला उबेरच्या सरसकट गाड्यांवर बंदी घातली आहे. ⁠त्यामुळे तो घोळ झाला, त्यात फक्त अनधिकृत बाईक टॅक्सीवर कारवाई केली जाईल, असेही सरनाईक म्हणाले.