Maharashtra Rain Update: राज्यात येत्या ४८ तासांत अतिवृष्टीचा इशारा! पुढील २ दिवसांत कुठे-कुठे कोसळणार मुसळधार?

Maharashtra Rain Update: मुंबईसह राज्यात मुसळधार पावसाचा अंदाज हवामान खात्याने व्यक्त केला आहे.
Maharashtra Weather Updates IMD Rain Alert Latest News
Maharashtra Weather Updates IMD Rain Alert Latest News Saam TV

Maharashtra rain update:

आज राज्यात अनेक ठिकाणी पावसाने हजेरी लावली. मुंबईसह नाशिकमध्येही जोरदार पावसाने हजेरी लावली. मुंबई दोन आठवड्यानंतर पावसाने हजेरी लावली आहे, तर नाशिकमध्ये मुसळधार पाऊस पडल्याने नाशिककरांना उकाड्यापासून मोठा दिलासा मिळाला. पुढील दोन दिवस मुंबईसह राज्यात मुसळधार पावसाचा अंदाज हवामान खात्याने व्यक्त केला आहे. या पार्श्वभूमीवर शासकीय यंत्रणा अलर्ट झाल्या असून नागरिकांनी सतर्क राहण्याचा सूचना दिल्या आहेत. (Latest Marathi News)

ऑगस्ट महिन्यात राज्यातील अनेक भाागत पाऊस बरसला नाही. त्यामुळे राज्यातील शेतकऱ्यांवर मोठं संकंट आलं होतं. पावसाने ओढ दिल्याने शेतकऱ्यांची पिके करपली. आज अनेक ठिकाणी पाऊस बरसला. त्यानंतर आता हवामान खात्याने पुढील ४८ तासांत पावसाची शक्यता व्यक्त केली आहे. त्यानुसार मुंबईऑरेंड अलर्ट तर पालघर, रायगड, रत्नागिरी, ठाणे आणि सिंधुदूर्ग जिल्हांना 'येलो' अलर्ट जारी करण्यात आला आहे.

याचबरोबर हवामान विभागाने मुंबईत ७, ८ आणि ९ सप्टेंबर रोजी मध्यम पाऊस तर 10 सप्टेंबरला वादळी वारे आणि गडगडाटासह पावसाचा अंदाज व्यक्त करण्यात आला आहे.

Maharashtra Weather Updates IMD Rain Alert Latest News
Mega Block on Sunday Mumbai: मुंबईकरांनो, रविवारी रेल्वेचा मेगाब्लॉक; कधी आणि कुठे अन् कसा? वाचा सविस्तर

पुणे वेधशाळेने दिलेल्या माहितीनुसार, राज्यात पुढील ४८ तासांत मुसळधार पावसाची शक्यता आहे. पुढील ४८ तासांत पाऊस राज्याच्या वायव्य भागात सक्रिय तर काही भागात अतिसक्रिय होण्याची शक्यता आहे. अरबी समुद्रावरून येणारे पश्चिमी वारे तीव्र आहे. ८ आणि ९ सप्टेंबर रोजी ढगांच्या गडगटांसह जोरदार पावसाची शक्यता आहे.

कोकणातही पावसाची शक्यता आहे. तर मध्य महाराष्ट्रातही जोरदार पावसाचा अंदाज आहे. पुण्यात ढगाळ आकाश राहील, तसेच मध्यम स्वरूपाच्या पावसाची शक्यता आहे. घाट विभागात काही ठिकाणी मुसळधार पावसाची शक्यता आहे. १४ सप्टेंबर संध्याकाळनंतर पाऊस वाढण्याची शक्यता आहे.

तत्पूर्वी, हवामान विभागाने दिलेल्या माहितीनुसार मुंबई, ठाणे, कल्याण,डोंबिवली भागात मुसळधार पावासाची शक्यता आहे. आजही मुंबईत जोरदार पाऊस बरसला. मुसधार पावसामुळे अनेक सखल भागात पाणी साचलं.

या पावसाचा रेल्वे सेवेवरही परिणाम झाला. दरम्यान, शासकीय यंत्रणेने मुसळधार पावसामुळे नागरिकांना सतर्क राहण्यास सांगितलं आहे. तसेच स्थानिक शासकीय यंत्रणेकडून देण्यात येणाऱ्या सूचनांचे पालन करावे, असा संदेश पाठवला आहे.

Maharashtra Weather Updates IMD Rain Alert Latest News
Maratha Reservation: आरक्षणासाठी जाती धर्मांमध्ये भांडण लावून कोणीही फायदा घेऊ नये: पंकजा मुंडे

नाशिकमध्ये मुसळधार पाऊस

नाशिकमध्ये अनेक दिवसांच्या प्रतीक्षेनंतर पावसाने हजेरी लावली आहे. या मुसळधार पावसाने संपूर्ण नाशिक जिल्ह्याला झोडपलं. पावसामुळे गंगाभपूर धरणाच्या पाण्यात लक्षणीय वाढ झाली आहे. यामुळे धरणातून विसर्ग करण्यात येत आहे. मुसळधार पावसामुळे नाशिककर सुखावले आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com