नाशिकमध्ये भाजपला मोठा धक्का
२ दिग्गज नेत्यांनी सोडली पक्षाची साथ
माजी नगरसेविका संगीता गायकवाड आणि त्यांचे पती ठाकरे गटात प्रवेश करणार
उद्धव ठाकरे यांच्या उपस्थितीत मातोश्री येथे होणार पक्षप्रवेश
नाशिकमध्ये मोठी राजकीय घडामोड घडली आहे. ऐन दिवाळीमध्ये ठाकरेंनी बॉम्ब फोडला. नाशिकमध्ये भाजपला पहिल्यांदाच मोठा धक्का बसला. दोन दिग्गज नेते शिवसेना ठाकरे गटामध्ये प्रवेश करणार आहे. या नेत्यांसोबत त्यांचे कार्यकर्ते देखील मोठ्या संख्येने मशाल हाती घेणार आहेत. या पक्ष प्रवेशामुळे नाशिकमध्ये ठाकरे गटाची ताकद आणखी वाढणार आहे.
मिळालेल्या माहितीनुसार, नाशिकमध्ये भाजपला मोठा धक्का बसला आहे. भाजपच्या माजी नगरसेविका संगीता गायकवाड आणि त्यांचे पती हेमंत गायकवाड सोमवारी शिवसेना ठाकरे गटात प्रवेश करणार आहेत. मातोश्री येथे उद्धव ठाकरे यांच्या उपस्थितीत पक्षप्रवेश कार्यक्रम होणार आहे. आगामी महापालिका निवडणुकीच्या तोंडावर होत असलेले हे इनकमिंग शिवसेना ठाकरे गटासाठी फायदेशीर ठरण्याची शक्यता आहे.
गेल्या काही दिवसांपासून नाशिकमध्ये शिवसेना ठाकरे गटाला मोठी गळती लागली होती. मात्र पहिल्यांदाच पक्षात इनकमिंग होत असल्याने पक्ष मजबुतीसाठी फायदा होणार आहे. पण संगीता गायकवाड आणि हेमंत गायकवाड यांच्या या निर्णयामुळे भाजपला खिंडार पडण्याची शक्यता आहे. कारण त्यांच्यापाठोपाठ अनेक जण ठाकरे गटात येण्याची शक्यता वर्तवली जात आहे.
दरम्यान, आगामी स्थानिक स्वराज्य संस्थांच्या निवडणुकीपूर्वी राजकीय घडामोडींना वेग आला आहे. सर्वच राजकीय पक्षांमध्ये इनकमिंग आणि आऊटगोईंग सुरू आहे. या निवडणुकीसाठी सर्वच पक्षांनी मोर्चेबांधणी सुरू केली आहे. भाजपकडून देखील ऑपरेशन लोटस सुरू आहे. आपली ताकद वाढण्याचा भाजपचा प्रयत्न सुरू असताना नाशिकमध्ये बड्या नेत्यांनी साथ सोडल्यामुळे हा त्यांच्यासाठी सर्वात मोठा धक्का मानला जात आहे. याआधी मनमाड शहरातील ठाकरे गटाच्या कार्यकर्त्यांनी मोठ्या संख्येने शिंदेगटात प्रवेश केला होता.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.