Maharashtra Politics: शिंदेसेनेकडून अजित पवारांच्या राष्ट्रवादीला मोठा धक्का, बडा नेता आज 'धनुष्यबाण' घेणार हाती

Shinde Sena Set to NCP: रायगडमध्ये मोठी राजकीय घडामोड घडली. भरत गोगावले यांनी सुनील तटकरे यांना मोठा धक्का दिला. सुनील तटकरे यांच्या बड्या नेत्याला भरत गोगावले यांनी फोडलं.
Maharashtra Politics: शिंदेसेनेकडून अजित पवारांच्या राष्ट्रवादीला मोठा धक्का, बडा नेता आज 'धनुष्यबाण' घेणार हाती
Maharashtra PoliticsSaam Tv
Published On: 

कोकणात मोठी राजकीय घडामोड घडली आहे. रायगडमध्ये तटकरे आणि गोगावले यांच्यातील अंतर्गत वाद वाढत चालला आहे. दोन्ही पक्षांच्या नेत्यांकडून आरोप-प्रत्यारोप सुरूच आहेत. अशातच आता शिंदेसेनेचे नेते भरत गोगावले यांनी राष्ट्रवादी काँग्रेस अजित पवार गटाचे नेते सुनील तटकरे यांना मोठा धक्का दिला आहे. राष्ट्रवादीचे पेण विधानसभा मतदारसंघाचे कार्याध्यक्ष प्रमोद म्हसकर आज शिंदेंच्या शिवसेनेत प्रवेश करणार आहेत.

राष्ट्रवादी काँग्रेस अजित पवार गटाचे नेते सुनील तटकरे यांच्या रोह्यात शिवसेना आज राष्ट्रवादीला मोठा धक्का देणार आहे. राष्ट्रवादीचे पेण विधानसभा मतदार संघाचे कार्याध्यक्ष आणि तटकरे कुटूंबाचे निवटवर्तीय प्रमोद म्हसकर आज शिवसेनेत प्रवेश करणार आहेत. मंत्री भरत गोगावले, आमदार महेंद्र दळवी यांच्या उपस्थित संध्याकाळी रोहा शहरात हा पक्षप्रवेश सोहळा पार पडणार आहे.

Maharashtra Politics: शिंदेसेनेकडून अजित पवारांच्या राष्ट्रवादीला मोठा धक्का, बडा नेता आज 'धनुष्यबाण' घेणार हाती
Maharashtra Politics: एक-दोन दिवसांत विलिनीकरणाचा विषय संपेल, ठाकरेंच्या नेत्याचं मोठं विधान

काही दिवसांपूर्वी प्रमोद म्हसकर यांनी आपल्या कार्याध्यक्ष पदाचा राजीनामा दिला होता. ते प्रमोद म्हसकर प्रतिष्ठानच्या माध्यमातून गेल्या अनेक महिन्यांपासून रायगडच्या सामाजिक क्षेत्रात कार्यरत आहेत. रोहा, पेणसह संपूर्ण रायगड जिल्ह्यात म्हसकर यांचा संपर्क असून या पक्षप्रवेशामुळे राष्ट्रवादी काँग्रेसला मोठा धक्का बसण्याचे राजकीय संकेत आहेत.

Maharashtra Politics: शिंदेसेनेकडून अजित पवारांच्या राष्ट्रवादीला मोठा धक्का, बडा नेता आज 'धनुष्यबाण' घेणार हाती
Maharashtra Politics: ​2029 मध्ये तटकरे कुटुंबाला दणका? गोगावलेंच्या वक्तव्याने रायगडच्या राजकारणात खळबळ

दरम्यान, रायगडमध्ये सत्ताधारी महायुतीमधील मित्रपक्ष असलेल्या शिवसेना शिंदेगट आणि राष्ट्रवादी काँग्रेस अजित पवार गटामध्ये वाद उफाळला आहे. रायगडमधील या दोन्ही पक्षातील राजकीय वाद दिवसेंदिवस विकोपाला चालला आहे. राष्ट्रवादीचे नेते सुनील तटकरे यांना शिंदेसेनेचे नेते भरत गोगावले यांच्यासह इतर नेत्यांकडून सतत टार्गेट केले जात असल्याचे दिसत आहे. नुकताच भरत गोगावले यांचे सुपुत्र विकास गोगावले यांनी सुनील तटकरे यांना इशारा दिला होता. '२०२९ च्या लोकसभा आणि विधानसभा निवडणुकीत तटकरे कुटुंबाला दणका देणार', असे वक्तव्य त्यांनी केले होते.

Maharashtra Politics: शिंदेसेनेकडून अजित पवारांच्या राष्ट्रवादीला मोठा धक्का, बडा नेता आज 'धनुष्यबाण' घेणार हाती
Maharashtra Politics: विलीनीकरणाच्या चर्चेदरम्यान राष्ट्रवादीच्या आमदाराचा मोठा निर्णय; निवृत्तीची केली घोषणा

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.