राज्याच्या राजकारणात अनेक वेगवान घडामोडी घडत आहेत. शिवसेना उद्धव ठाकरे गटाचे माजी आमदार राजन साळवी यांनी मोठा निर्णय घेतला आहे. नाराज राजन साळवी लवकरच उद्धव ठाकरे यांची साथ सोडणार आहेत. गेल्या काही दिवसांपासून ते ठाकरे गटाला रामराम ठोकत भाजपमध्ये प्रवेश करणार असल्याची चर्चा सुरू होती. पण आता त्यांनी निर्णय घेतला आहे. राजन साळवी उद्या शिवसेना शिंदे गटामध्ये प्रवेश करत धनुष्यबाण हाती घेणार आहेत.
मिळालेल्या माहितीनुसार, कोकणामध्ये ठाकरे गटाला मोठा धक्का बसण्याची शक्यता आहे. उद्धव बाळासाहेब ठाकरे शिवसेनेचे निष्ठावान माजी आमदार राजन साळवी पक्षाला सोडचिठ्ठी देणार आहेत. राजन साळवी यांच्या पक्ष प्रवेशाची तारीख जवळपास निच्छित झाल्याची माहित सुत्रांनी दिली आहे. राजन साळवी उद्या शिवसेना शिंदे गटामध्ये प्रवेश करणार आहेत. उपमुख्यमंत्री एकनाथ शिंदे यांच्या उपस्थितीमध्ये ते शिंदे गटामध्ये प्रवेश करणार आहेत.
उपमुख्यमंत्री एकनाथ शिंदे यांच्या उपस्थितीत ठाण्यातील आनंद आश्रम येथे राजन साळवी धनुष्यबाण हाती घेत शिंदे गटामध्ये प्रवेश करणार आहेत. उद्या दुपारी ३ वाजता आनंदाश्रम येथे त्यांचा पक्षप्रवेश होणार आहेत. मशाल सोडून राजन साळवी धनुष्यबाण हाती घेणार आहेत. राजन साळवी यांच्यासोबत पदाधिकारी आणि कार्यकर्ते देखील शिंदे गटामध्ये प्रवेश करण्याची शक्यता व्यक्त केली जात आहे.
दरम्यान, गेल्या काही दिवसांपासून राजन साळवी हे भाजपमध्ये जाणार असल्याच्या चर्चा सुरू होत्या. राजन साळवी भाजपमध्ये जाणार हे जवळपास निश्चित झाले होते. भाजप नेत्यांसोबत तशा चर्चा देखील झाल्या होत्या. भाजपकडून राजन साळवी यांना वेटिंगवर ठेवण्यात आले होते. राजन साळवी भाजपमध्ये जात असल्याने शिवसेना ठाकरे गटाने त्यांचे परतीची दारं बंद केली होती. त्यामुळे राजन साळवी सध्या ठाकरे गटात फारसे सक्रिय दिसत नाहीत. आता राजन साळवी हे भाजपमध्ये नाही तर शिंदे गटात प्रवेश करणार असल्याचे जवळपास निश्चित झाले आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.