Maharashtra Politics : डबल महाराष्ट्र केसरी चंद्रहार पाटील ठाकरे गटात; सांगलीच्या आखाड्यात उतरणार, उद्धव ठाकरेंनी मागितलं वचन

Double Maharashtra Kesari Chandrahar Patil join Thackeray Group :

महाराष्ट्र केसरीचा दुहेरी किताब मिळविलेले पैलवान चंद्रहार पाटील यांनी ठाकरे गटात प्रवेश केला. मातोश्रीवर जाऊन चंद्रहार पाटील यांनी ठाकरे गटाचे प्रमुख उद्धव ठाकरे यांची भेट घेतली आणि हाती मशाल घेतलं आहे. उद्धव ठाकरे यांनी चंद्रहार पाटील यांचा प्रवेश करून घेत त्यांना लोकसभेची उमेदवारी देखील जाहीर केली. (Latest News)

ठाकरे गटात (Thackeray Group) प्रवेश करण्याआधी चंद्रहार पाटील यांनी ठाकरे गटाचे प्रमुख उद्धव ठाकरे यांना गदा दिली. शेतकऱ्याच्या मुलाला एवढा मान मिळाल्याच पाहून चंद्रहार पाटील यांनी उद्धव ठाकरे यांचे आभार मानले. कुस्ती क्षेत्रात काम करत असताना बोलून दाखवण्यापेक्षा करून दाखवायची सवय आहे. यामुळे जास्त बोलणार नाही, पण येणाऱ्या लोकसभा निवडणुकीचा महाराष्ट्रातला सांगली जिल्ह्याचा हा पहिला निकाल असेल असा, विश्वास चंद्रहार पाटील यांनी व्यक्त केला.