Nashik Politics: भाजपला धक्का देणाऱ्या अजितदादांना नाशिकमध्ये धक्का,बड्या नेत्याचा तडकाफडकी राजीनामा

स्थानिक स्वराज्य संस्थांच्या निवडणुकांच्या पार्श्वभूमीवर आता पक्षांतराचे पेव फुटले आहे. अनेक ठिकाणी पक्ष प्रवेशाचे सोहळा पार पडताना दिसत आहे. नगर परिषद आणि नगर पंचायतीत निवडणुकी लढवण्यासाठी इच्छूक असलेले अनेकजण इकडे तिकडे उड्या मारताना दिसत आहेत. त्यामुळे पक्षश्रेष्ठींना दुसरा उमेदवार शोधण्याचं टेन्शन आलंय. महायुतीमधील तिन्ही पक्ष एकमेकांना धक्के देत आहेत. तिन्ही पक्ष एकमेकांचे नेत्यांना फोडून त्यांना आपल्या पक्षात घेत आहेत.

राष्ट्रवादी अजित पवार गटातून मोठी बातमी समोर येत आहे, ती म्हणजे नाशिकमध्ये पक्षाला मोठा धक्का बसलाय. नांदेडमध्ये उपनगराध्यक्षांना आपल्या गटात भाजपला धक्का देणाऱ्या अजितदादांना नाशिकमध्ये शिवसेनेनं धक्का दिलाय. राष्ट्रवादी अजित पवार गटाचे माजी उपनगराध्यक्ष नामदेवराव लोंढे यांनी शिवसेना शिंदे गटात प्रवेश केलाय.

लोंढे यांचा शिवसेनेतील प्रवेश अजित पवार गटाचे मंत्री माणिकराव कोकाटे यांच्यासाठी देखील धक्का मानला जात आहे. कारण नामदेवराव लोंढे हे माणिकराव कोकाटे यांचे निकटवर्तीय समजले जातात. याआधी कोकाटे यांचे बंधूंनी भाजपमध्ये प्रवेश केला त्यांचे निकटवर्तीय नेत्यानं त्यांची साथ सोडलीय.

दरम्यान नामदेवराव लोंढे यांनी शिवसेना शिंदे गटात प्रवेश करताच त्यांना मोठी लॉटरी लागलीय. शिवसेनेत प्रवेश करताच त्यांना पक्षाकडून थेट नगराध्यक्ष पदाचा उमेदवार घोषित करण्यात आलं. त्यांना एबी फॉर्मदेखील देण्यात आला आहे. दरम्यान भगूरनंतर सिन्नरमध्येही शिवसेना शिंदे गट स्वबळावर लढणार आहे. या पार्श्वभूमीवर हा पक्षप्रवेश महत्त्वाचा मानला जातोय.