Maharashtra Politics: खासदारांनंतर आमदारही उद्धव ठाकरेंची साथ सोडणार? 3 आमदारांची बैठकीला दांडी

ठाकरे गटातील सहा खासदार शिंदे गटात प्रवेश करणार आहेत. नऊ पैकी सहा खासदारांनी बंड फुकारल्यानं शिवसेना उद्धव बाळासाहेब ठाकरे गटाला मोठा धक्का बसला. आता खासदारांच्या बंडानंतर उद्धव ठाकरे आक्रमक झाले आहेत, त्यांनी पक्षाची मोटबांधणीस सुरुवात केली आहे. त्यापार्श्वभूमीवर उद्धव ठाकरेंनी आज आमदारांची बैठक बोलवली होती,मात्र या बैठकीला तीन आमदार गैरहजर राहिलेत. बैठकीला तीन आमदारांनी दांडी मारल्यानं आता पु्न्हा तर्क वितर्कांना उधाण आले आहे. खासदारांप्रमाणे आमदारांमध्येही नाराजी आहे का असा सवाल उपस्थित केला जातोय. संजय दरेकर, राहुल पाटील, संजय पोतनीस हे तीन आमदार गैरहजर राहिले होते.

खासदारांप्रमाणे आमदारांमध्येही नाराजी आहे का असा सवाल उपस्थित केला जातोय. संजय दरेकर, राहुल पाटील, संजय पोतनीस हे तीन आमदार गैरहजर राहिले होते. ऑपरेशन टायगर च्या मोहिमेतून एकनाथ शिंदेंनी ठाकरे गटाला भलं मोठं खिंडार पाडलं. ठाकरे गटातील सर्वाधिक चर्चेतील आणि डायनामाईट खासदारांना पक्षातून फोडत आपल्या गटात ओढलंय.

इतकेच नाही शिंदे गटात गेलेल्या खासदारांपैकी एकाच्या गळ्यात केंद्रीय मंत्रिपदाची माळ पडणार आहे. दुसरीकडे खासदारांच्या या बंडखोरीनंतर उद्धव ठाकरे अॅक्शन मोडवर आले असून त्यांनी आमदारांची बैठकी बोलवली आहे. पक्षातील आमदारांना एकसंध बांधून ठेवण्यासाठी त्यांच्यात काही अस्वस्थता आहे का किंवा असेल तर ते दूर करण्यासाठी शिवालय येथे उद्धव ठाकरेंनी बैठक बोलवली आहे. या बैठकीला स्वत: उद्धव ठाकरे उपस्थित राहणार आहेत.

मात्र याच बैठकीला तीन आमदारांनी दांडी मारली आहे. त्यामुळे राजकीय वर्तुळात वेगळ्या चर्चांना उधाण आले आहे. खासदारांनंतर आता आमदारही ठाकरेंची साथ सोडणार का असा सवाल केला जातोय. कारण खासदारांप्रमाणेच आमदारांनीही कित्ता गिरवला आहे. शिंदे गटात जाण्याआधी खासदारांनीही ठाकरेंच्या बैठकींना दांड्या मारल्या होत्या. आता या तीन आमदारांनीही दांडी मारली आहे. संजय दरेकर, राहुल पाटील, संजय पोतनीस हे तीन आमदार बैठकीला आले नाहीत, त्यामुळे चर्चांना उधाण आले आहे.

नगरसेवक, आमदारही जाणार - शिंदे गटाचा दावा

सहा खासदारांनी ज्यावेळी बंड फुकारत ठाकरेंची साथ सोडली होती, त्यानंतर शिंदे गटाचे खासदार नरेश म्हस्के यांनी मोठं विधान केलं होतं. उद्धव ठाकरेंवर नगरसेवक आणि आमदार पक्षनेतृत्त्वावर नाराज असल्याचं म्हटलं होतं. तर शिंदे गटाचे आमदार संतोष बांगर यांनी उद्धव बाळासाहेब ठाकरेंचे तब्बल १४ ते १५ आमदार शिंदे सेनेच्या संपर्कात असल्याचा दावा केला होता. योग्य वेळ आल्यावर सर्व काही समोर येईल, असं बांगर म्हणाले होते. आता तीन आमदार बैठकीला गैरहजर राहिलेत.