'मी कोणालाही भेटलो, मी कोणत्याच पक्षात जाणार नसल्याचं म्हणत छगन भुजबळ यांनी ठाकरे गटात प्रवेश करण्याचे वृत्त फेटाळलंय. महायुतीमधील नाराजी नाट्यानंतर छगन भुजबळ हे ठाकरे गटात प्रवेश करणार असल्याची माहिती सुत्रांनी दिलीय. छगन भुजबळांनी मिलिंद नार्वेकर आणि संजय राऊत यांची भेट घेतली असून ते लवकरच ठाकरे गटात प्रवेश करणार असल्याचं वृत्त माध्यमात आलं होतं. त्यावर छगन भुजबळ यांनी स्पष्टीकरण दिलंय.
मिळालेल्या माहितीनुसार, लोकसभेचं तिकीट आणि नंतर राज्यसभेत मिळालेली हुलकाणीवरुन छगन भुजबळ हे नाराज असल्याचं म्हटलं जात आहे. खासदारकीसाठी दिल्लीतून छगन भुजबळ यांचे नाव निश्चित करण्यात आलं होतं. तरीही त्यांच्याऐवजी शिंदे गटाचे नेते हेमंत गोडसे यांना उमेदवारी देण्यात होती. त्यावरून भुजबळ हे नाराज असल्याचं म्हटलं जात आहे. सुत्रांनी दिलेल्या माहितीनुसार छगन भुजबळ यांनी आज ठाकरे गटाचे नेते संजय राऊत आणि मिलिंद नार्वेकर यांची भेट घेतली. महायुतीत नाराज असलेल्या छगन भुजबळ यांनी समता परिषदेची बैठक घेत दबावचं राजकारण सुरू केलं होतं. त्यावरून अंदाज बांधला जात आहे की, ते लवकरच ठाकरे गटात प्रवेश करतील असं म्हटलं जात आहे.
ठाकरे गटाच्या प्रवेशावर काय म्हणाले भुजबळ
मी कुठल्याच पक्षात जाणार नाही, मी कुणालाही भेटलो नाही. कोणाच्या गाठीभेटी घेतल्या नाहीत.विरोधी पक्षातील कोणत्यात नेत्याला आपण भेटलो नाही, असं म्हणत मंत्री छगन भुजबळ यांनी संजय राऊत आणि मिलिंद नार्वेकरांच्या भेटीचे वृत्त फेटाळलं.साहाजिकच भेटीचं वृत्त फेटाळल्यानंतर ते ठाकरे गटात प्रवेश करणार असल्याच्या वृत्तावर पडदा पाडलाय.
आपण विरोधी पक्षातील कोणत्याच नेत्याला भेटलो नाही, हे अजित पवार यांना माहितीये.लोकसभा उमेदवारीवरुन नाराज असल्याचं वृत्तावर भुजबळ म्हणाले, मी नाराज होतो मान्य आहे, पण राजकारणात नेहमी नाराज होऊन चालत नाही, असं वृत्त फेटाळताना भुजबळ म्हणालेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.