MMC Elections: राजकीय हस्तक्षेपामुळे एमएमसी निवडणुकीत 'आयएमए'त फूट

उच्च न्यायालयाच्या निर्णयानंतर महाराष्ट्र वैद्यकीय परिषदेची निवडणूक होणार आहे. जवळपास ९ वर्षांनंतर एमएमसीची निवडणूक होत आहेत. या निवडणुका २६ एप्रिल रोजी होणार आहेत. एमएमसीच्या निवडणुकीसाठीच्या अर्जाची नुकतीच छाननी करण्यात आली आहे. मात्र या निवडणुकीमध्ये प्रचारात सत्ताधारी राजकीय पक्षाने हस्तक्षेप केला आहे. यामुळे देशातील सर्वात मोठ्या डॉक्टरांची संघटना असलेल्या इंडियन मेडिकल असोसिएशन महाराष्ट्राच्या संघटनेत फूट पडली आहे.

माजी पदाधिकाऱ्यांनी त्याविरोधात दंड थोपटलेत. या पॅनेलमधील उमेदवारांना माघार घ्या, अन्यथा सरकारी रोष ओढवून घ्याल अशा स्वरूपाचे दूरध्वनी येत आहेत. त्यामुळे ही निवडणूक आयएमएचे अस्तित्त्व टिकविणारी ठरेल. एमएमसीची निवडणूक दर पाच वर्षांनी होणे अपेक्षित असते. परंतु गेल्या अडीच वर्षांपासून ही निवडणूक झाली नाहीये.

मात्र शासनाने या ठिकाणी प्रशासक बसवला आहे. दोन वर्षांपूर्वी निवडणूक प्रक्रिया जाहीर झाली त्यावेळी मतदार यादीतून डॉक्टरांची नावे वगळणे, निवडणूक अधिकाऱ्याच्या नियुक्तीमध्ये घोळामुळे न्यायालयाने निवडणूक प्रक्रिया स्थगित करण्यात आली होती. एमएमसीच्या निवडणुकीसाठीच्या अर्जाची नुकतीच छाननी करण्यात आली आहे. ७० उमेदवारांनी अर्ज सादर केली आहेत. उमेदवारांपैकी ११ उमेदवारांनी अर्ज मागे घेतले आहेत.

त्यामुळे ५९ उमेदवार प्रत्यक्ष निवडणुकीच्या रिंगणात आपले नशीब आजमावणार आहेत. यात आयएमए-महाराष्ट्र, हिलिंग हॅण्ड युनिटी पॅनेल व परिवर्तन असे तीन महत्त्वाचे पॅनेल निवडणुकीच्या रिंगणामध्ये उतरले आहेत. अन्य उमेदवार हे स्वतंत्ररित्या निवडणुकीच्या रिंगणात उतरले आहेत.