Maharashtra Police Bharti: पोलीस भरतीत अनियमितता उमेदवारांचा आरोप; खासदार अरविंद सावंतांसमोर मांडली व्यथा

Washim Police Bharti: वाशिम जिल्ह्यातील पदाधिकाऱ्यांचा मेळाव्यासाठी आलेले खासदार अरविंद सावंत यांच्यासमोर उमेदवारांनी आपली व्यथा मांडली. भरती प्रक्रियेत अनियमितता होत असल्याचा आरोप उमेदवारांनी केलाय.
Maharashtra Police Bharti: पोलीस भरतीत अनियमितता उमेदवारांचा आरोप; खासदार अरविंद सावंतांसमोर मांडली व्यथा
Washim Police BhartiSaam Tv

मनोज जयस्वाल, साम प्रतिनिधी

महाराष्ट्र राज्य पोलीस दलात बंपर भरती सुरू आहे. पोलीस दलातील विविध पदांवर १७४७१ जागांवर भरती प्रक्रिया सुरू आहे. वाशिम जिल्ह्यातही पोलीस भरती घेतली जात असून त्यासाठी मैदानी चाचणी घेतल्या जात आहेत. वाशिम जिल्ह्यात पोलीस भरतीच्या मैदानी चाचणीत अनियमितता होत असल्याचा आरोप काही उमेदवारांनी केलाय.

यासंदर्भात या उमेदवारांनी खासदार अरविंद सावंत यांची भेट घेऊन ही भरती प्रक्रिया थांबवण्याची मागणी केलीय. यानंतर अरविंद सावंतांनी गृहखात्यावर टीका केली असून बेरोजगार युवकांच्या आयुष्याशी हे सरकार खेळ खेळत असून यासंदर्भातील मुद्दा आम्ही येणाऱ्या अधिवेशनात मांडू, असे आश्वासन खासदार अरविंद सावंत यांनी यावेळी उमेदवारांना दिलेत.

खासदार अरविंद सावंत हे उद्धव बाळासाहेब ठाकरे गटाच्या वाशिम जिल्ह्यातील पदाधिकाऱ्यांचा मेळाव्यासाठी आले होते, त्यावेळी भरतीसाठी आलेल्या उमेदवारांनी शिवसेनेचे नेते अरविंद सावंत यांना भेटून आपली आपबीती सांगितली. बुधवार १९ जूनपासून वाशिम जिल्हा पोलीस दलाच्या मैदानावर ६८ जागांसाठी पोलीस भरतीची मैदानी चाचणी राबवली जात आहे.

त्यातील १०० मीटर आणि १६०० मीटर धावण्याच्या चाचणीमध्ये वेळ नोंदवण्यासाठी लावण्यात आलेल्या चीपमुळे उमेदवारांच्या गुणात तफावत असल्याचा आरोप या उमेदवारांकडून करण्यात आला. तसेच इतर जिल्ह्यात होत असलेल्या भरतीची गुणांची माहिती ऑनलाईन तात्काळ दिसत आहे. मात्र वाशिममध्ये होत असलेल्या भरतीची माहिती ऑनलाइन मिळत नसल्याचेही या तक्रारकर्त्या उमेदवारांनी सांगितले आहे.

दरम्यान राज्यातील पोलीस दलातील विविध पदांवर १७४७१ जागांवर भरती होत आहे. ठाणे, पिंपरी-चिंचवड, मिरा-भाईंदर, नागपूर, नाशिक, नवी मुंबई, अमरावती, सोलापूर, छत्रपती संभाजीनगर, लोहमार्ग-मुंबई, ठाणे ग्रामीण, रायगड, पालघर, सिंधुदूर्ग, रत्नागिरी, नाशिक ग्रामीण, अहमदनगर, जळगाव, धुळे, नंदुरबार, कोल्हापूर, पुणे ग्रामीण, सातारा, सांगली, सोलापूर ग्रामीण, छत्रपती संभाजीनगर ग्रामीण, जालना, बीड, धाराशिव, नांदेड, लातूर, परभणी, चंद्रपूर, नागपूर, भंडारा, वर्धा, गडचिरोली, गोंदिया, अमरावती, अकोला, वाशिम, बुलढाणा, यवतमाळ, लोहमार्ग-पुणे, लोहमार्ग औरंगाबाद. या जिल्ह्यात भरती प्रक्रिया पार पडत आहे.

Maharashtra Police Bharti: पोलीस भरतीत अनियमितता उमेदवारांचा आरोप; खासदार अरविंद सावंतांसमोर मांडली व्यथा
Maharashtra Police Bharti 2024: सुवर्णसंधी! महाराष्ट्र राज्यात पोलीस दलासाठी बंपर भरती, १७,४७१ जागा रिक्त; अर्ज कसा कराल?

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com