Maharashtra News Live Update: नसरापूर घटनेची महाराष्ट्र राज्य बाल हक्क संरक्षण आयोगाने घेतली दखल

चिमुरडीवरील अन्यायाविरोधात आज संपूर्ण भोर, राजगड तालुका बंद ची हाक देण्यात आली आहे

नराधमाला फाशी द्या, या मागणीसाठी सर्व स्तरांतून नागरिक रस्त्यावर उतरले असून व्यापारी आणि दुकानदारांनीही आपली दुकाने बंद ठेवून या निषेधात सहभाग नोंदवण्याचे आवाहन

हवेली, भोर वेल्हा मधील आंबेडकरी संघटनांच्या वतीने खेड शिवापूर टोल नाका बंदची हाक

आरोपीला कायद्याच्या चौकटीत जास्तीत जास्त शिक्षा मिळावी यासाठी आयोग राज्य शासनाला महत्त्वपूर्ण शिफारशी करणार

या प्रकरणात न्यायप्रक्रिया जलदगतीने पार पडावी यासाठी विशेष सरकारी वकील नियुक्त करण्याची शिफारस

तसेच हे प्रकरण फास्ट ट्रॅक न्यायालयात चालविण्याची शिफारस करण्यात येणार, राज्य बाल हक्क आयोगाचे अध्यक्ष संजय पुराणिक यांची माहिती

नागरिकांमध्ये निर्माण झालेला संताप समजण्यासारखा असला तरी कायदा आणि सुव्यवस्था अबाधित ठेवण्यासाठी नागरिकांनी शांतता राखावी, आयोगाचे आवाहन

नवी मुंबईमध्ये सिडकोने १६,८७६ घरांची लॉटरी जाहीर केली होती. मात्र, मुंबई उच्च न्यायालयाने सिडकोच्या २६ हजार घरांच्या लॉटरीमधील अल्प उत्पन्न गटातील (LIG) घरांच्या वाटपाला स्थगिती दिली आहे.

यामुळे १६,८७६ घरांची ही सोडत लांबणीवर पडली आहे. गेल्या दोन महिन्यांपासून अर्जदारांनी सिडकोचे फॉर्म भरण्यासाठी ७५ हजार ते दीड लाख रुपयांपर्यंतची रक्कम सिडकोकडे जमा केली आहे. मात्र, अद्याप ही लॉटरी काढण्यात न आल्यामुळे सर्वसामान्यांचे पैसे सिडकोकडेच अडकून पडले आहेत. सोडत लांबणीवर गेल्यामुळे सर्वसामान्य अर्जदारांना याचा मोठा आर्थिक फटका बसत आहे.