Maharashtra Live News Update: एकनाथ शिंदे अचानक दिल्ली दौऱ्यावर, कारण अस्पष्ट

सोशल मीडियावर सध्या मुलुंडचा एक व्हिडिओ वेगाने व्हायरल होत आहे. या व्हिडिओमध्ये बलबीर सिंग लांबा उर्फ गिन्नी हा व्यक्ती “मी पाच वेळा तडीपार झालो, माझ्यावर 307 चा केस आहे, तरी मी इथेच आहे” असे खुलेआम म्हणताना दिसतोय. या धमकीच्या व्हिडिओमुळे परिसरात मोठी खळबळ उडाली असून स्थानिक नागरिकांमध्ये भीतीचे वातावरण निर्माण झाले आहे.

अचानक आलेल्या वादळी वाऱ्यासह पावसामुळे अमरावती जिल्ह्यातील चांदुर रेल्वे कृषी उत्पन्न बाजार समिती त एकच गोंधळ उडाला, खुल्या मैदानात ठेवलेले हजारो क्विंटल सोयाबीनचे पोते पावसात भिजल्याने शेतकरी व व्यापारांचे मोठे नुकसान झाले असून त्यांना आर्थिक तोटा सहन करावा लागला, दिवाळीमुळे सोयाबीनची आवक मार्केटमध्ये वाढल्याने सोयाबीनचा लिलाव हा खुल्या मैदानात करावा लागला त्यामुळे अचानक आलेल्या पावसाने सोयाबीनचे संपूर्ण पोते भिजल्याने शेतकर्यांचे व व्यापाऱ्याने नुकसान झाले आहे.

माध्यमासमोर बोलताना मोहोळ यांनी माझ्यावर एक ही गुन्हा दाखल नाही आणि धंगेकर यांच्यावर १० गुन्हे दाखल आहेत एस विधान केले होते. त्यावर आता रवींद्र धंगेकर यांनी मोहोळ यांच्यावर किती आणि कोणते गुन्हे दाखल आहेत हे समोर आणले आहेत. मोहोळ हे किती खोट बोलतात याच उदाहरण देत धंगेकर यांनी पुन्हा मोहोळ याना घेरले आहे….

विदर्भात कापसाच देखील मोठ्या प्रमाणावर उत्पादन घेतल्या जातं, सध्या बाजारात नवीन कापूस आला आहे, तर दुसरीकडे शासकीय सीसीआयची कापसाची खरेदी अद्याप सुरू झाली नाही, मात्र अमरावतीच्या महालक्ष्मी जिनिंग प्रेसिंग मध्ये व्यापाऱ्याद्वारे कापसाला प्रतिक्विंटल 7 हजार 500 रुपये इतका भाव दिला, त्यामुळे आमदार रवी राणा यांनी महालक्ष्मी जिनिंग प्रेसिंग मध्ये या कापूस खरेदीचा शुभारंभ केला, आज 15 शेतकऱ्यांनी आपला कापूस या महालक्ष्मी जिनिंग प्रेसिंग प्रेसिंग मध्ये विक्रीसाठी आणला. यावेळी रवी राणा यांनी शेतकऱ्यांची संवाद साधत इतर ठिकाणी कमी भाव कापसाला मिळत असल्याने सध्या इतर ठिकाणी खाजगी बाजारात कापूस विक्री करू नका, लवकरच शासकीय सीसीआयची कापसाची खरेदी चालू होईल अशी माहिती रवी राणा यांनी दिली

दिवाळी सुट्ट्यांमुळे पंढरपुरात विठ्ठल रूक्मिणी दर्शनासाठी भाविकांची आणि पर्यटकांची गर्दी वाढली आहे. विठ्ठल रूक्मिणी पदस्पर्श दर्शनाची रांग मंदिरापासून दोन किलोमीटर अंतरावर गेली आहे. संत नामदेव पायरी,महाद्वार परिसरात भाविकांची मोठी गर्दी झाली आहे. मुख दर्शनासाठी ही भाविकांनी रांगा लावल्या आहेत.

उपमुख्यमंत्री एकनाथ शिंदे अचानक दिल्लीच्या दौऱ्यावर गेले आहेत. कारण अस्पष्ट असले तरी राजकीय तर्कवितर्क लावले जात आहेत. बीएमसी जागावाटपासाठी शिंदे दिल्लीवारीसाठी गेल्याचे बोलले जातेय.

चंद्रपूर - मुल महामार्गावरील केसलाघाट परिसरात चार दिवसांपासून एक वाघीण बछड्यासह मुख्य मार्ग ओलांडताना धुमाकूळ घालत आहे. एका दुचाकीवर धाव घेतल्याचा व्हिडिओ सोशल मीडियावर व्हायरल झाला. काल सायंकाळच्या सुमारास त्याच वाघिणीने धावत्या दुचाकीवर झडप घातल्याने एक जण जखमी झाला. नागेश चंद्रशेखर गायकी (५२) असे जखमीचे नाव आहे. या घटनेने नागरिकांत प्रचंड दहशत पसरली असून, वनविभागाने वाघिणीचा बंदोबस्त करावा, अशी मागणी केली जात आहे. वाघिणीने त्याच्यावर हल्ला केल्याने पायाला गंभीर दुखापत झाली. या घटनेची माहिती मिळताच वन विभागाचे पथक घटनास्थळी दाखल झाले.

काही दिवसांपूर्वीच ज्या पीयूष मणियारच्या कृत्यांमुळे शस्त्रपरवाना रद्द करण्याची शिफारस पोलिसांनी जिल्हा दंडाधिकाऱ्यांकडे केली आहे, त्याच पोलिसांच्या नाकावर टिच्चून त्याने पोलिसांच्याच मल्टीपर्पज हॉलमध्ये ऐन दिवाळीत कमरेला पिस्तूल लावून एका सुफी गायकावर नोटा उधळल्या. पोलिसांनी या प्रकरणी गुन्हा नोंदवल्यानंतर मात्र, तो जळगावातून पसार झाला आहे.शहरातील तीन यू-ट्यूब न्यूज चॅनलतर्फे पोलिस मुख्यालय येथील पद्मालय हॉलमध्ये 'दिवाली सुफी नाईट' या कार्यक्रमाचे आयोजन करण्यात आले होते. रतलामचे कव्वाली गायक शफीक मस्तान याच्यावर पीयूष मणियार याने पैशांची उधळण केली. या वेळी मात्र पीयुषच्या कमरेला पिस्तुल लटकलेले दिसते. याचा व्हीडीओ व्हायरल झाल्यानंतर जळगाव येथील जिल्हापेठ पोलिस ठाण्याचे निरीक्षक प्रदीप ठाकूर यांच्या फिर्यादीवरुन बुधवारी शस्त्र अधिनियम १९५९चे कलम ३० तसेच महाराष्ट्र पोलिस अधिनियम १९५१चे कलम १३५ प्रमाणे गुन्हा दाखल करण्यात आला. या प्रकरणाचा तपास पोलिस उपनिरीक्षक गोपाळ देशमुख यांच्याकडे सोपवण्यात आला आहे.

राज्य सरकारचे शिष्टमंडळ आज बंजारा समाजाचे उपोषणकर्ते विजय चव्हाण यांची भेट घेणार आहे. सकाळी 11 वाजता हे शिष्टमंडळ चव्हाण यांची भेट घेईल. या शिष्टमंडळात मंत्री संजय राठोड, मंत्री पंकजा मुंडे आणि आमदार अर्जुन खोतकर यांचा समावेश आहे. राज्याच्या वतीने हे सर्वजण उपोषणकर्त्यांशी चर्चा करतील. बंजारा समाजाला एसटी प्रवर्गातून आरक्षणाची अंमलबजावणी करण्यात यावी, या मागणीसाठी विजय चव्हाण जालन्यात आमरण उपोषणाला बसले असून आज त्यांच्या उपोषणाचा नववा दिवस आहे. दरम्यान, आज होणाऱ्या चर्चेतून सकारात्मक तोडगा निघून आमरण उपोषण मागे घेतले जाते का, याकडे सर्वांचे लक्ष लागले

मुख्यमंत्री लाडकी बहीण योजनेत 52 हजार अपात्र महिलांचा समावेश असल्याचा संशय होता या प्रकरणात महिला व बालकल्याण विभागाने चौकशी सुरू केली होती,या चौकाशीत 3 हजार 700 महिला अपात्र आढळल्या तर 48 हजार लाडक्या बहिणींना यात क्लीन चीट मिळाली आहे यामुळे या लाडक्या बहिणी मदतीला पात्र ठरल्या आहेत. लाडकी बहीण योजनेत पात्र ठरलेल्या लाभार्थ्यांच्या खात्यात एक हप्ता वळता करण्यात आला आहे.

आगामी स्थानिक स्वराज्य संस्थेच्या निवडणुकीच्या पार्श्वभूमीवर परळी मतदारसंघातील कार्यकर्त्यांची आढावा बैठक मधील पंकजा मुंडे आमदार धनंजय मुंडे यांच्या उपस्थितीमध्ये बैठक होणार आहे या बैठकीमध्ये आगामी स्थानिक स्वराज्य संस्थेच्या निवडणुकीबाबत कार्यकर्त्यांना मंत्री पंकजा मुंडे आणि आमदार धनंजय मुंडे मार्गदर्शन करणार आहेत बीडच्या परळी मतदारसंघातील जिल्हा परिषद पंचायत समिती नगरपरिषद या निवडणुकीच्या पार्श्वभूमीवर आणि दीपावली स्नेहमिलनाचा कार्यक्रम आयोजित करण्यात आलेला आहे

अरबी समुद्रात कमी दाबाच्या क्षेत्रामुळे कोकण किनारपट्टीवर शनिवार व रविवार असे दोन दिवस पावसाचा अंदाज असतानाच हवामानातील बदलामुळे काही भागातही पावसाची शक्यता आहे. २८ ऑक्टोबरपर्यंत उत्तर विदर्भ वगळता संपूर्ण महाराष्ट्रात गडगडाटासह मध्यम पाऊस पडेल, असा अंदाज हवामान खात्याने वर्तविला आहे

या जिल्ह्यात यलो अलर्ट

२५ ऑक्टोबर : नाशिक, जळगाव,

अहिल्यानगर, पुणे, सातारा, सांगली, सोलापूर, छत्रपती संभाजीनगर, जालना, बीड, लातूर, अकोला, बुलढाणा, चंद्रपूर

२६ ऑक्टोबर : मुंबई, नाशिक, खान्देश,

अहिल्यानगर, पुणे, सातारा, कोल्हापूर, छत्रपती संभाजीनगर, नांदेड

२७ ऑक्टोबर : धुळे, मुंबई, नाशिक,

खान्देश, अहिल्यानगर, पुणे, सातारा, कोल्हापूर, छत्रपती संभाजीनगर

२८ ऑक्टोबर : पुणे, सातारा, कोल्हापूर, सांगली, रायगड, रत्नागिरी आणि नांदेड

घरफोडी प्रकरणातील सराईत चोरटा तसेच एका अल्पवयीन मुलाला यवतमाळ शहर पोलिसांनी ताब्यात घेतले,ताब्यात घेतलेल्या दोघांनी दोन घरफोडीची कबुली पोलिसांसमोर दिली त्यांच्याकडून जवळपास चार लाखांचा मुद्देमाल जप्त करण्यात आलाय. साहिल घरत असे त्या सराईत चोरट्याचे नाव आहे.

सोलापूर शहरात पुन्हा एका अतिवृष्टी सदृश पाऊस 

- शहरातील सकल भागात पाणी साचायला सुरुवात 

- शहरातील अवंती नगर, पूर्व भाग, नई जिंदगी, आसरा, जुळे सोलापूर, तुळजापूर रोड या भागात नागरी वस्तीत पाणी साचायला सुरुवात 

- महिन्याभरापूर्वी सोलापूर शहरात अश्याच पद्धतीने पाऊस झाल्याने नागरी वस्तीत पाणी शिरले होते

- त्यानंतर पुन्हा एकदा सोलापूर शहरात मुसळधार पावसाने नागरिकांची दैना झाली 

- रात्रभर असाच पाऊस सुरू राहिला तर पुन्हा एकदा नागरी वस्तीत मोठ्या प्रमाणात पाणी शिरण्याची भीती

कागल शहरातील श्री गहिनीनाथ गैबीपीर ऊरूसात शुक्रवारी रात्री घडलेल्या प्रकाराने काही काळ गोंधळाचे वातावरण निर्माण झाले. ऊरूसातील बापूसाहेब महाराज चौकात उभारलेल्या एका जायंट व्हील पाळण्यामध्ये अचानक तांत्रिक बिघाड झाल्याने पाळणा बंद पडला आणि त्यात बसलेले १८ नागरिक तब्बल 5 तास अडकून राहिले. कोल्हापूर महानगर पालिकेच्या अग्निशामन दलाच्या जवानांनी दोन तासाच्या अथक प्रयत्नाने त्यांना सुखरूप खाली उतरले.

सध्या भारतीय जनता पार्टीमध्ये मोठ्या प्रमाणात इंकमिंग सुरू आहे.. त्यामुळे जुन्या कार्यकर्त्यांकडे लक्ष द्या नाही तर जेवढ्या जोराने वाढले तेवढ्या जोराने खाली आल्याशिवाय राहणार नाही असं म्हणत केंद्रीय मंत्री नितीन गडकरी यांनी कान टोचले..

- जुना कार्यकर्ता हा घरकी मुर्गी दाल बराबर तर बाहेरून आलेले सावजी चिकम मसाला असं म्हणत नागपुरी भाषेत पक्षाचा परिस्थितीवर केंद्रीय मंत्री गडकरी यांनी भाष्य केले... कळमेश्वर सावनेर भागात डॉ. राजीव पोतदार यांनी पक्षासाठी केलेल्या कामाची आठवण करून देत चंद्रशेखर बावनकुळे यांनी लक्ष द्या असेही गडकरी यावेळी बोलताना म्हणालेत.