Maharashtra Police Department: राज्यातील अप्पर पोलीस महासंचालक दर्जांच्या अधिकाऱ्यांच्या बदल्या, कोणाची कुठे झाली बदली?

राज्यातील IAS अधिकाऱ्यांच्या बदल्यांचा धडाका सुरू असतानाच आता राज्यातील अप्पर पोलीस महासंचालक दर्जांच्या अधिकाऱ्यांच्या बदल्या करण्यात आल्या आहेत. राज्य सरकारनं प्रशासनात मोठे फेरबदल करत सोमवारी ४ वरिष्ठ आयएएस (IAS) अधिकाऱ्यांच्या बदल्यांचे आदेश जारी केले होते. आज मंगळवारी अप्पर पोलीस महासंचालक दर्जांच्या अधिकाऱ्यांच्या बदल्या करण्यात आल्या आहेत.यात नागपूरचे पोलीस आयुक्त डॉ.रविंद्र सिंघल यांची बदली करण्यात आली असून त्यांच्या जागी विश्वास नागरे पाटील हे नागपूरचे नवे पोलीस आयुक्त असतील.

तर रवींद्र सिंघल यांची लाचलुचपत प्रतिबंधक विभागाच्या अपर पोलीस महासंचालक पदी नियुक्ती करण्यात आली आहे. अपर पोलीस महासंचालक” श्रेणीतील पदावर बदलीने पदस्थापना देण्यात आली आहे.

त्यानुसार पोलीस महासंचालक, महाराष्ट्र राज्य यांनी केंद्रीय प्रशासकीय न्यायाधिकरण/ न्यायालय यांचे आदेश, निवडणुकीची आदर्श आचार संहिता, कायदा सुव्यवस्था , इत्यादी लक्षात घेऊन पुढील उचित कार्यवाही करण्यात यावी असे आदेश देण्यात आलेत. हा शासन आदेश, महाराष्ट्र पोलीस अवधवनयम याच्या कलम २२न्वे मध्ये निर्दिष्ट सक्षम प्राधिकारी यांच्या मान्यतेने देण्यात आलेत.