Nagarparishad Election Result: सुरूवातीचे कल हाती! महायुती १९० पालिकांमध्ये आघाडीवर, महाविकास आघाडीची स्थिती काय?

नगरपरिषद आणि नगरपंचायतीच्या निवडणुकीचा निकाल आज लागणार आहे. काही तासांमध्ये निकालाचे चित्र स्पष्ट होईल. मतमोजणीला सुरूवात झाली असून सुरूवातीचे कल हाती आले आहेत. सुरूवातीच्या कलानुसार राज्यात महायुतीचे वर्चस्व पाहायला मिळत आहे. महायुती १९० जागांवर आघाडीवर आहे. तर महाविकास आघाडी ५० जागांवर आघाडीवर आहे.

नगरपरिषद आणि नगरपंचायतीच्या निवडणुकीच्या निकालाकडे संपूर्ण राज्याचे लक्ष लागले आहे. अनेक दिग्गज नेत्यांनी प्रतिष्ठा पणाला लागली आहे. उमेदवारांसह कार्यकर्त्यांनी मतमोजणी केंद्राबाहेर मोठी गर्दी केली आहे. १० वाजल्यापासून पोस्टल मतमोजणीला सुरूवात झाली. सुरूवातीचे कल हाती येऊ लागले आहे. सुरूवातीच्या कलानुसार महायुती आघाडीवर असल्याचे पाहायला मिळत आहे.

मतमोजणीला सुरूवात झाल्यानंतर सुरूवातीचे कल हाती आला असून महायुती १९० जागांवर आघाडीवर आहे. त्यानुसार भाजप सर्वात मोठा पक्ष ठरताना दिसत आहे. भाजपा १११ जागांवर आघाडीवर आहे. शिवसेना ठाकरे गट ४४ आणि राष्ट्रवादी काँग्रेस अजित पवार गट ३५ जागांवर आघाडीवर आहे.

तर दुसरीकडे महाविकास आघाडी ५० जागांवर आघाडीवर आहे. महायुतीमधील काँग्रेस पक्ष ३७ जागांवर, शिवसेना ठाकरे गट ५ आणि राष्ट्रवादी काँग्रेस शरद पवार गट ८ जागांवर आघाडीवर आहे. तर स्थानिक आघाडी ८ जागांवर आघाडीवर आहे.