Maharashtra Election Result: भाजपला १२०+ जागा मिळणार! निकालाआधीच भाजपच्या नेत्याचा दावा

Maharashtra Vidhansabha Result: महाराष्ट्रात विधानसभा निवडणुकांच्या मतमोजणीला सुरुवात झाली आहे. २० नोव्हेंबरला महाराष्ट्रात मतदान पार पडलं. या मतदानानंतर एक्झिट पोल समोर आले होते. काही एक्झिट पोलनुसार, महायुती आणि महाविकास आघाडीमध्ये टफ फाईट पाहायला मिळाली.

तर काही एक्झिट पोलमध्ये महायुती पुन्हा एकदा सरकार स्थापन करणार असं म्हटलं गेलं होतं. दरम्यान निकालाआधीच भाजपच्या बड्या नेत्याने मोठा दावा केला होता.

भाजपचे नेते मोहित कंबोज यांनी २२ नोव्हेंबर म्हणजेच, निकालाच्या आधीच एक्स अकाऊंटवर एक पोस्ट शेअर केली होती. या पोस्टमध्ये त्यांनी असा दावा केला होता की, भाजप पक्ष एकहाती १२० पेक्षा अधिक जागा जिंकून येणार.

मतमोजणीच्या दिवशी सकाळी १२ पर्यंत काही कल समोर आले आहेत. त्यानुसार भाजपने १२७ जागांवर आघाडी घेतली आहे. त्यामुळे मोहित कंबोज यांनी पोस्टमध्ये केलेल्या दाव्याची सोशल मीडियावर चर्चा होतेय.

संजय राऊत काय म्हणाले?

राज्यात कोणाचं सरकार येणार, हे येत्या काही तासात स्पष्ट होणार आहे. दरम्यान मतमोजणीबाबत आणि निकालाबाबत बोलताना शिवसेना ठाकरे गटाचे खासदार संजय राऊत यांनी मोठं वक्तव्य केलं आहे.

माध्यमांशी बोलताना संजय राऊत म्हणाले की, ' हा कौस कसा म्हणता येईल? काहीतरी गडबड आहे. निकाल लावून घेतले आहेत. नक्कीच काहीतरी गडबड आहे. माझ्यासारख्या लोकशाहीवर विश्वास असणाऱ्या माणसांचा यावर विश्वास बसणार नाही.