Vidhan Sabha Election 2024 : महायुतीचा बालेकिल्ला ठाणे भेदण्यासाठी महाविकास आघाडीकडून चाचपणी करण्यात येत आहे. ठाण्यात एकनाथ शिंदे आणि भाजपची मोठी ताकद आहे. ठाण्यातील विधानसभेच्या १८ जागांसाठी मविआकडून जोरदार मोर्चेबांधणी सुरु करण्यात आली आहे. ठाकरे, शरद पवार आणि काँग्रेसकडून महायुतीचा बालेकिल्ला भेदण्यासाठी विशेष प्लॅन आखला जात आहे. ठाणे जिल्ह्यातील ठाकरेंनी सर्वाधिक जागा जिंकून महायुतीचा किल्ला भेदावा, यासाठी प्लॅनिंग आखलं जात असल्याचे समोर आलेय. (2024 Maharashtra Legislative Assembly election)
विधानसभेच्या १८ जागांसाठी मविआकडून चाचपणी केली जात आहे. ठाण्यात ठाकरे सर्वाधिक जागा लढण्याची शक्यता आहे. शरद पवार यांच्या राष्ट्रवादी काँग्रेसला चार ते पाच जागा मिळू शकतात. तर काँग्रेसला तीन जागा मिळण्याची शक्यता आहे. त्याशिवाय समाजवादी पक्षाला एक जागा मिळाले. उर्वरित १० ते ११ जागांवर उद्धव ठाकरेंचे उमेदवार असतील, असे समोर आलेय.
ठाण्यातील १८ विधानसभा जागांपैकी चार ते पाच जागांवर शरद पवार यांचे उमेदवार मैदानात असतील. कळवा-मुंब्रा, बेलापूर, उळ्हासनगर आणि शहापूर या चार जागा शरद पवार यांच्या राष्ट्रवादीला सोडण्यासाठी एकमत झालेय. ऐनवेळी मुरबाड मतदारसंघ शरद पवार यांना सोडला जाण्याची शक्यता वर्तवण्यात येत आहे.
भिवंडी पूर्वेत सध्या समाजवादी पक्षाचे रईस शेख हे विद्यमान आमदार आहेत. ही जागा समाजवादी पक्षाला सोडली जाईल, असे मविआमधील एका नेत्यानं सांगितलेय.
महायुतीमधील नाराजांना गळाला लावण्याचा प्लॅन मविआने आखला आहे. नवी मुंबईतील बेलापूर विधानसभा मतदारसंघात भाजप आणि शिंदे गटामध्ये उमेदवारीवरुन नाराजी आणि वाद आहे. या मतदारसंघातील नाराज उमेदवाराला आपल्या पक्षात घेण्यासाठी मविआकडून योजना आखली जात आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.