Kolhapur Loksabha Result Update : हिंगोलीनंतर कोल्हापूरात दोन EVM मशीनध्ये बिघाड

रणजीत माजगावकर

कोल्हापूमध्ये मतमोजणी सुरू असताना ईव्हीएम मशीनमध्ये बिघाड झाल्याची माहिती समोर आली आहे. कोल्हापूर लोकसभेतील दोन ईव्हीएम मशीनमध्ये तांत्रिक बिघाड झालाय. कागल आणि राधानगरी विभागातील मतमोजणी केंद्रावर ईव्हीएम मशीनमध्ये बिघाड झालाय.

कागलची दुसरी फेरी असताना तर राधानगरीची तिसरी फेरी सुरू असताना मशीनमध्ये तांत्रिक बिघाड झाल्याची माहिती मिळालीये. सकाळी ८ वाजल्यापासूनच मतमोजणीला सुरुवात झाली आहे. कोल्हापूरमध्ये काँग्रेसचे उमेदवार शाहू महाराज विरुद्ध शिवसेना शिंदे गटाचे संजय मंडलिक अशी लढत होत आहे.

अशात सकाळपासून सुरु असलेल्या मतमोजणीत पहिल्या फेरीत शाहू महाराज आघाडीवर होते. त्यानंतर 2 री फेरी सुरू असताना शाहू महाराज ११११८ मतांनी आघाडीवर आहेत.

संजय मंडलिक मतमोजणी केंद्रावर दाखल

दरम्यान, कोल्हापूर लोकसभेचे महायुतीचे उमेदवार संजय मंडलिक हे मतमोजणी केंद्रावर दाखल झाले आहेत. यावेळी त्यांनी पहिल्या फेरीतील झालेल्या मतदानाचा आढावा घेतला. आताशी फक्त पहिली फेरी झाली आहे अजून 31 फेऱ्या बाकी आहेत, म्हणत कागल आणि चंदगड मतदारसंघात मोठी आघाडी मिळेल असं त्यांनी म्हटल आहे.