मुंबई : लोकसभा मतमोजणीमुळे उमेदवारांसहित लोकांमध्ये धाकधुक वाढली आहे. देशभरातील लोकसभा मतदारसंघाचे सुरुवातीचे कलम हाती आली आहेत. तर दक्षिण भारतातील १२९ जागांवरील कल देखील आले आहेत. दक्षिण भारतात कमळ फुलणार का, याकडे साऱ्यांचे लक्ष लागले आहे.
निवडणूक आयोगाच्या ११ वाजताच्या आकडेवारीनुसार, भारतात २९४ आघाडीवर आहेत. तर इंडिया आघाडी २२५ जागांवर आघाडीवर आहे. तमिळनाडूमध्ये लोकसभेच्या ३९ जागा, केरळमध्ये २० जागा, तेलंगणामध्ये १७, आंध्र प्रदेशमध्ये २५ जागा आहेत. कर्नाटकात लोकसभेच्या एकूण २८ जागा आहेत. कर्नाटकात सकाळी ११ वाजता भाजप १८, काँग्रेस ७ आणि जेडीएस ३ लोकसभेच्या जागेवर आघाडीवर आहेत.
११ वाजताच्या आकडेवारीनुसार, तमिळनाडूमधील ३९ जागांपैकी डीएमके २०, काँग्रेस ८, सीपीआय २, सीपीएम २ जागांवर आघाडीवर आहेत.
केरळमधील लोकसभेच्या २० जागा आहेत. सकाळी ११ वाजताच्या आकडेवारीनुसार, २० जागांपैकी काँग्रेस १३ जागा, इंडियन यूनियन मुस्लिम लीग २, भाजप २ जागांवर आघाडीवर आहे.
तेलंगणामध्ये लोकसभेच्या १७ जागा आहेत. ११ वाजताच्या आकेडवारीनुसार, भाजप ८, काँग्रेस ८, AIMIM १ आघाडीवर आहे.
आंध्र प्रदेशात २५ लोकसभा मतदारसंघ आहेत. ११ वाजताच्या आकडेवारीनुसार, तेलुगू देशम पार्टी जागा, YSRCP 4 आणि भाजप ३ जागांवर आघाडीवर आहे. जनसेना पक्ष २ जागांवर आघाडीवर आहे.
दरम्यान, दिल्लीत ७ लोकसभा मतदारसंघ आहेत. या ७ लोकसभा मतदारसंघात ७ जागांवर भाजप आघाडीवर आहे. तर गुजरातमधील २६ जागांपैकी २५ जागांवर एनडीए आघाडीवर आहे. तर एका जागेवर इंडिया आघाडी आघाडीवर आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.