Leopard: छत्रपती संभाजीनगरात बिबट्याची दहशत; मॉलमध्ये बिबट्या, शाळांनाही टाळं

संभाजीनगर शहरातील माँलमध्ये बिबट्या दिसल्यानं शहरात खळबळ उडालीय . संभाजीनगरच्या उल्कानगरीत बिबट्याने धुमाकूळ घातलाय...गेल्या तीन दिवसांपासून संभाजीनगरात बिबट्याचा वावर आहे. त्यामुळे बिबट्या गेला कुणीकडे असा सवाल उपस्थित झालायं.

गेल्या तीन दिवसापासून छत्रपती संभाजीनगरात एका बिबट्याने दहशत निर्माण केली आहे. त्यामुळे नागरिकांना घरा बाहेर पडणंही मुश्किल झालंय.. या बिबट्याची दहशत इतकी की, मॉर्निंग वॉकला जाणाऱ्यांनीही धसका घेतलाय. बिबट्याला शहरातल्या वेगवेगळ्या भागात पाहीलं गेलंय.

हा बिबट्या बुधवारी रात्री शहरातील एका मॉलच्या सीसीटीव्ही कॅमेऱ्यात चित्रीत झाला. हा मॉल सिडको परिसरात आहे. या बिबटयाचा एवढा धसका घेतलाय की उल्का नगरातली शाळाही बंद ठेवण्यात आलीय. शहराचा मध्य भागी असलेल्या उल्कानगरी भागात हा बिबट्या सीसीटीव्हीमध्ये कैद झालाय.

बिबट्यासाठी या भागातही ट्रॅप लावण्यात आलेत.. सर्च ऑपरेशन हाती घेण्यात आलं असून त्यासाठी सहा पथकं तयार करण्यात आली आहे. वन विभागाचे एकूण 100 कर्मचारी या मोहिमेत आहेत. एक पथक नाशिकवरून आले आहे. शिवाय गनमॅनचाही त्यात समावेश आहे. गेल्या तीन दिवसांपासून बिबट्या वन विभागाच्या हाती लागलेला नाही. असं असलं तरी तीन दिवसानंतरही बिबट्याचा सुगावा लागलेला नाही.त्यामुळे बिबट्या मॉलमध्ये फिरुन पुन्हा जंगलात निघून गेला की काय अशीही शक्यता आहे. मात्र त्यामुळे शहर बिबट्याच्या दहशतीत आहे.