औसा, लातूर येथे धावत्या खासगी बसला भीषण आग लागली.
बसचा टायर फुटल्यानंतर क्षणार्धात बस पेटली.
प्रवाशांना वेळीच बाहेर काढून सुरक्षितस्थळी हलवले.
आगीत दुकाने, घरे आणि प्रवाशांच्या वस्तू जळून खाक झाल्या.
लातूर जिल्ह्यातील औसा येथे शुक्रवारी सकाळी भीषण अपघाताची घटना घडली. पुण्याहून लातूरच्या दिशेने प्रवास करणाऱ्या खासगी बसला अचानक आग लागून मोठे नुकसान झाले. या आगीत बसमधील प्रवाशांचे सामान, रस्त्याच्या कडेला असलेली दुकाने आणि काही घरे जळून खाक झाली. घटनेचा व्हिडिओ सध्या सोशल मीडियावर व्हायरल होत आहे.
मिळालेल्या माहितीनुसार, लोटस ट्र्रॅव्हल्सची बस प्रवाशांना घेऊन पुण्याहून लातूरच्या दिशेनं जात होती. मात्र, शुक्रवारी सकाळी औसा येथे आल्यानंतर खासगी बसचे टायर फुटले. तसेच बसनं लगेच पेट घेतला. क्षणार्धात आगीनं रौद्ररूप धारण केलं. धावत्या बसला लागलेल्या आगीमुळे रस्त्याच्या कडेला असणाऱ्या दुकांनानाही आग लागली.
सुदैवानं आगीनं रौद्ररूप धारण घेण्याआधीच बसमधील प्रवाशांना बाहेर काढण्यात आलं. तसेच सुरक्षितस्थळी हलवण्यात आलं. आगीची माहिती मिळताच स्थानिकांनी अग्निशमन दलाला पाचारण केले. अग्निशमन दलाच्या पथकाने तातडीने घटनास्थळी धाव घेत परिस्थिती नियंत्रणात आणण्याचा प्रयत्न केला. तसेच बसची आग विझवली.
बसमध्ये लागलेल्या आगीमुळे प्रवाशांच्या वस्तूंचे मोठे नुकसान झाले आहे. रस्त्याच्या कडेला असणारी दुकान आणि घरांचे देखील प्रचंड नुकसान झाले आहे. यादरम्यान, स्थानिकांनी या घटनेचा व्हिडिओ व्हायरल होत आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.