Latur Crime News : शेतीच्या वाटणीवरून मुलाने केला आईचा खून

संदीप भोसले

लातूर : वडिलोपार्जित शेतीची वाटणी करण्याच्या कारणावरून पोटच्या मुलाने आईची हत्या केल्याची घटना उदगीर तालुक्यात घडली आहे. या घटनेने (Latur) लातूर जिल्हा हादरला असून पोलिसांनी (Police) केलेल्या तपासात खुनाच्या दहा दिवसानंतर खून झाल्याचे समोर आले आहे.  (Breaking Marathi News)

लातूरच्या उदगीर तालुक्यातील तोंडार पाटी इथे सखुबाई तुळशीराम वाघमारे (वय ५५) या महिलेच्या अंगावर कोयत्याने वार करुन खून (Crime News) केल्याची धक्कादायक घटना मागील १० दिवसांपूर्वी घडली होती. दरम्यान या प्रकरणी (Udgir) उदगीर ग्रामीण पोलीस ठाण्यात अज्ञात आरोपीविरुद्ध गुन्हा दाखल करण्यात आला होता. या प्रकरणी पोलिसांकडून तपास सुरु करण्यात आला होता. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मुलाने दिली गुन्ह्याची कबुली 

घटनेनंतर पोलिसांकडून तपास सुरु करण्यात आला होता. तपासाच्या अनुषंगाने उदगीर पोलिसांनी केलेल्या तपासात मयत महिलेचा खून हा तिच्या मुलाने शेतीच्या वाटणीच्या कारणावरून केल्याचे आरोपी मुलाने कबुली दिली आहे. दरम्यान आरोपी मुलाला यावेळी उदगीर पोलिसांनी ताब्यात घेतल आहे.