लाडकी बहीण योजनेचे ४५०० रुपये कोणाला मिळणार? नवीन अपडेट समोर

विधानसभा निवडणुकीत गेमचेंजर ठरलेली लाडकी बहीण योजना आताही जोरदार चर्चेत आहे. लाडकी बहीण योजनेमुळे महिलांच्या बँक खात्यात महिना १५०० रुपये जमा होत आहेत. परंतु याच योजनेमुळे राज्य सरकारच्या तिजोरीवर मोठा ताण पडत असल्याचे सांगण्यात येत आहे.

एकीकडे ई-केवायसी न झाल्याने अनेक महिलांना लाभ मिळेना झाले आहेत. ई-केवायसी करूनही काही महिलांना लाभ मिळालेले नाहीत. त्यामुळे अनेक लाडक्या बहिणींनी नाराजी व्यक्त केली आहे. यानंतर महिला बालकल्याण विभागाने महिलांच्या घरी जाऊन चौकशीचे आदेश दिले आहेत.

लाडकी बहीण योजनेचा ई-केवायसी करूनही लाभ न मिळालेल्या महिलांची अंगणवाडीच्या कर्मचारी पडताळणी करणार आहेत. त्यानंतर लाडकी बहीण योजनेच्या पात्र महिलांना महिन्याचा हप्ता मिळणे सुरू होण्याची शक्यता आहे.

लाडकी बहीण योजनेच्या लाभ न मिळालेल्या महिलांची अंगणवाडी कर्मचाऱ्यांकडून पडताळणी झाल्यास, पात्र महिलांना पैसे मिळण्यास सुरू होण्याची शक्यता आहे. त्यानंतर लाडक्या बहिणींना थेट ४५०० रुपये मिळणार असल्याचं सांगण्यात येत आहे. नोव्हेंबर, डिसेंबर आणि जानेवारी महिन्याचा हप्ता एकत्र दिला जाणार असल्याची माहिती मिळत आहे. एकंदरीत महिलांना तीन महिन्यांचे पैसे मिळणार असल्याची माहिती हाती आली आहे.

तत्पूर्वी, लाडकी बहीण योजनेवर मंत्री हसन मुश्रीफ यांनी मोठं भाष्य केलं आहे. 'तिजोरीच्या आमच्याकडे होत्या. अजितदादा गेल्यानंतर अर्थ खाते मुख्यमंत्र्यांकडे गेलं. अधिवेशनानंतर खाते आमच्याकडे येईल. त्यामुळे २१०० रुपये दिल्याशिवाय राहणार नाही, असेही मुश्रीफ यांनी सांगितलं.