Ladki Bahin Yojana: लाडक्या बहिणींच्या खात्यात एप्रिलचा हप्ता लवकरच; कधीपर्यंत येणार?

लाडकी बहीण योजनेचा (Ladki Bahin Yojana) एप्रिलचा हप्ता कधी मिळणार याकडे महिलांचे लक्ष लागले आहे. एप्रिल महिना संपला असूनही अद्याप पैसे आले नाहीत त्यामुळे महिलांमध्ये नाराजी आहे. मात्र, आता महायुतीच्या मंत्र्यांनी एप्रिलचा हप्ता कधी येणार याबाबत माहिती दिली आहे.

नरहरी झिरवाळांचे वक्तव्य (Narhari Zirwal Statement On Ladki Bahin Yojana)

राज्याचे अन्न व औषध प्रशासन मंत्री व हिंगोलीचे पालकमंत्री नरहरी झिरवाळ यांनी लाडक्या बहिणींना दिलासा देणारे वक्तव्य केले आहे. हिंगोलीत महाराष्ट्र दिनाच्या ध्वजारोहण कार्यक्रमाला नरहरी झिरवाळ यांनी उपस्थिती लावली होती. लवकरच लाडक्या बहिणींच्या खात्यावर पंधराशे रुपयांचा हप्ता मिळेल, अशी माहिती दिली आहे विरोधक लाडक्या बहिणी विषयी चुकीच्या अफवा पसरत असल्याचे देखील यावेळी मंत्री झिरवाळ म्हणाले आहेत.

नरहरी झिरवाळ यांनी लाडक्या बहि‍णींना दिलासा दिला आहे. लवकरच महिलांच्या खात्यात पैसे जमा होतील, असं त्यांनी सांगितलं आहे. विरोधक हे लाडकी बहीण योजनेबाबत अफवा पसरवत आहेत त्यावर विश्वास ठेवू नका, असं नरहरी झिरवाळ यांनी सांगितलं आहे.

या महिलांना मिळणार नाही पैसे

लाडकी बहीण योजनेत (Ladki Bahin Yojana) अपात्र महिलांना वगळण्यात आले आहे. ज्या महिला निकषांमध्ये बसत नाही त्यांना या योजनेचा लाभ मिळणार नाही. महिलांच्या कुटुंबाचे उत्पन्न हे २.५ लाखांपेक्षा कमी असणे गरजेचे आहे. आता महिलांच्या अर्जांची पडताळणी सुरु आहे. यातून ज्या महिला निकषांमध्ये पात्र ठरणार नाही त्यांना पैसे मिळणार नाहीत.या योजनेतून आतापर्यंत अनेक महिलांचे अर्ज बाद करण्यात आले आहेत. यापुढेही काही महिलांचे अर्ज बाद होऊ शकतात.