Pune News : ठाणे, रिक्षा, चष्मा, दाढी…; ठाकरे गटाने शिंदे गटाला डिवचलं, पुण्यात बॅनरबाजी

Pune Shivsena Thackeray Group Banner : या बॅनरबाजीच्या माध्यमातून ठाकरे गटाकडून शिंदे गटाला डिवचण्यात आल्याचं साफ दिसत आहे. आता यावर शिंदे गटाकडून नेमकी काय प्रतिक्रिया येते हे पाहणं महत्त्वाचं ठरणार आहे.
 Shivsena Uddhav Thackeray workers wave banners in Pune
Shivsena Uddhav Thackeray workers wave banners in PuneSaam Tv News
Published On

पुणे : प्रसिद्ध कॉमेडिअन कुणाल कामरा याने राज्याचे उपमुख्यमंत्री एकनाथ शिंदे यांचे एका गाण्याच्या साहाय्याने विडंबन केलं. या गाण्यात कामाराने शिंदेंचा उल्लेख गद्दार असा केला. हे गाणं सोशल मीडियावर व्हायरल झाल्यानंतर शिंदेंच्या शिवसेनेचे पदाधिकारी कुणाल सरमळकर आणि राहुल कनाल यांनी खार येथील हॅबिटेट क्लबमध्ये जाऊन तोडफोड केली.

तर या प्रकरणावरुन मागील तीन दिवसांपासून शिंदे आणि ठाकरे गटातील नेत्यांमध्ये आरोप प्रत्यारोप होत असल्याचं पाहायला मिळत आहे. या सर्व घडामोडींदरम्यान पुण्यातील अलका टॉकीज चौकात ठाकरे गटाकडून ठाणे, रिक्षा, चष्मा, दाढी, गुवाहाटी आणि गद्दार या शब्दांना महाराष्ट्रात बंदी आहे का…? असा सवाल करत बॅनर लावण्यात आलं आहे. या बॅनरबाजीच्या माध्यमातून ठाकरे गटाकडून शिंदे गटाला डिवचण्यात आल्याचं साफ दिसत आहे. आता यावर शिंदे गटाकडून नेमकी काय प्रतिक्रिया येते हे पाहणं महत्त्वाचं ठरणार आहे. दरम्यान, पुण्यात ठाकरे गटाच्या कार्यकर्त्यांनी लावलेलं बॅनर काढण्यात आलेलं आहे.

 Shivsena Uddhav Thackeray workers wave banners in Pune
Ramdas Badhe : पुष्पचक्र अर्पण करताना लेकाकडून 'जय हिंद'चा नारा, शहीद जवान रामदास बढे अनंतात विलीन; अख्ख्या गावाला रडू कोसळलं

मी कोणालाही घाबरत नाही

कुणाल कामरा याने उपमुख्यमंत्री एकनाथ शिंदे यांचे एका गाण्यामार्फत विडंबन केले होते. या प्रकरणी मुंबई पोलिसांनी कुणाल कामराला समन्स बजावलं होतं आणि चौकशीसाठी हजर राहण्यास सांगितलं होतं. मात्र कुणाल कामरा हजर राहिला नाही. त्याचदरम्यान कुणाल कामरा म्हणाला, मी एकनाथ शिंदे आणि अजित पवार या दोन्ही उपमुख्यमंत्र्यांची माफी मागणार नाही. मी कोणालाही घाबरत नाही. मी माझ्या पलंगाखाली लपून बसलेलो नाही. माझ्या पुढच्या कार्यक्रमाचं ठिकाण असं असेल जे पाडण्याची अधिक गरज आहे. मी एल्फिन्स्टन ब्रिज किंवा मुंबईतील अशा इमारतीची निवड करेन जी पाडण्याची गरज आहे. अशी पोस्ट त्याने केली होती.

 Shivsena Uddhav Thackeray workers wave banners in Pune
Mumbai Crime: धक्कादायक! ४ वर्षांच्या चिमुकल्याचे अपहरण करून हत्या, नातेवाईकानेच घेतला जीव; नेमकं कारण काय?

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com