Maharashtra Politics: निलेश बळीचा बकरा; राणेंचा थेट आरोप, राजकरणात खळबळ

तळकोकणातील सिंधुदुर्ग जिल्ह्यात नगरपरिषदेच्या निवडणुकीत भाजप आणि शिंदेसेना या मित्रपक्षांमध्येच धुमशान सुरुये...त्यातच भाजप पदाधिकाऱ्यांच्या घरात बेकायदेशीपणे घुसल्याप्रकरणी निलेश राणेंवर गुन्हा दाखल झाल्यानं शिंदेसेना विरुद्ध भाजप असा संघर्ष अधिकच चिघळत चाललाय..गुन्हा पकडून देणाऱ्यांवर केसेस होतायत, असा टोला निलेश राणेंनी लगावलाय... तर निलेश राणेंना एकटं पाडून बळीचा बकरा बनवले जातंय, अशी टीका नितेश राणेंनी केलीय...

मात्र दुसरीकडे शिंदेसेनेच्या दीपक केसरकरांनी थेट नारायण राणेंचं महत्त्व संपवण्याचा कट रचला जातोय, असं विधान करून खळबळ उडवून दिलीय तर राणेंची काळजी शिंदेसेनेनं करू नये, असा सल्ला नितेश राणेंनी दिलाय. सिंधुदुर्ग जिल्ह्याच्या राजकारणात राणे पिता-पुत्रांचं नेहमीचं वर्चस्व राहिलयं... मात्र नितेश राणे भाजपात आणि निलेश राणे शिंदेसेनेत असल्यानं पक्षश्रेष्ठीच्या आदेशाचं पालन करून सत्तेसाठी कार्यरत राहण्याशिवाय त्यांना गंत्यतर नाही... त्यातच स्थानिक स्वराज्य संस्थांच्या निवडणुकीत कणकवली आणि सिंधुदुर्गमध्ये शिंदेसेना विरुद्ध भाजप असा संघर्ष पेटल्यानं विरोधकांच्या हातीही आयतं कोलीत मिळालयं...

तळकोकणात शिंदेसेना आणि भाजप आमनेसामने आल्यानं राणे कुटुंबातील वादही चव्हाट्यावर आलाय.आता नारायण राणे तळकोकणातील आपलं वर्चस्व टिकवण्यासाठी काय रणनीती आखतात... स्थानिक स्वराज्य संस्थांच्या निवडणुकीनंतर तरी महायुतीतील हा वाद शमणार का? हे पाहणं महत्त्वाचं ठरणार आहे...