Nandurbar News : आदिवासी कोळी समाजाच्या न्याय हक्कासाठी शुक्रवारी निघणार धुळे ते मुंबई संघर्ष पदयात्रा

- सागर निकवडे

Nandurbar News :

कोळी समाजाला अनुसूचित जातीच्या वैधता प्रमाणपत्र मिळावं या मागणीसाठी धुळे ते मुंबई पायी मोर्चा (koli samaj dhule to mumbai padyatra) आदिवासी टोकरे कोळी समाजाच्या वतीने काढण्यात येणार आहे. हा माेर्चा 17 नोव्हेंबरला धुळेहुन मुंबईला निघेल अशी माहिती कोळी समाज नेते शान सोनवणे यांनी साम टीव्हीशी बाेलताना दिली. (Maharashtra News)

नंदुरबार जिल्ह्यात मोठ्या प्रमाणावर आदिवासी कोळी समाज आहे. या समाजावर सरकार अन्याय करत आहे. त्यामुळेच कोळी समाजाला न्याय मिळावा यासाठी कोळी समाज आता आक्रमक झाला आहे.

खान्देशात कोळी समाजाची चार लाखापेक्षा अधिक लोकसंख्या आहे तर आदिवासी टोकरी कोळी म्हणून चार आमदार देखील खान्देशतून निवडून जात असतात. त्यामुळे कोळी समाजाला आदिवासी प्रवर्गातून जातीच्या दाखला आणि सुविधा मिळावा यासाठी वारंवार शासनाच्या लक्षात आणून दिले.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दरम्यान शासन दुर्लक्ष करत असल्याने मुंबई मंत्रालयावर टोकरी कोळी समाजाच्या मोर्चा धडधडणार असल्याचे साेनवणे यांनी नमूद केले. या माेर्चात काेळी समाज माेठ्या संख्येने सहभागी हाेणार असल्याचे साेनवणे यांनी सांगितले.

Edited By : Siddharth Latkar