कोल्हापुरात निवडणुकीचं बिगुल वाजलं! जिल्हा परिषदेच्या ६८ गटांसाठी आरक्षण जाहीर, वाचा सविस्तर

सर्वोच्च न्यायालयानं जानेवारी २०२६ अखेरपर्यंत स्थानिक स्वराज्य संस्थांच्या निवडणुका घेण्याचे आदेश दिल्यानंतर राजकीय वर्तुळात हालचालींना वेग आला आहे. याच पार्श्वभूमीवर कोल्हापुरातही राजकीय वारे वेगाने वाहू वागले आहे. आज जिल्हा परिषदेच्या ६८ गटांसाठी कोल्हापूरच्या जिल्हाधिकारी कार्यालयात सोडत प्रक्रिया पार पडली. तसेच पंचायत समिती सभापती पदासाठीही आरक्षणाची सोडत जाहीर करण्यात आली.

कोल्हापूरचे जिल्हाधिकारी अमोल येडगे यांच्या अध्यक्षतेखाली ही सोडत पार पडली. गेल्या अनेक वर्षांपासून जिल्हा परिषद निवडणुका रखडल्या होत्या. त्यामुळे जिल्ह्यातील सर्वच इच्छुकांचे लक्ष या सोडतीकडे लागले होते.

विविध गटांसाठी सोडत प्रक्रिया पुढील प्रमाणे झाली-

नागरिकांचा मागास प्रवर्ग - १८

खुला - २०

खुला महिला - १९

अनुसूचित जाती- ४

अनुसूचित जाती महिला - ६

अनुसूचित जमाती- १

अशी सोडत पार पडली आहे.

तर, पंचायत समिती सभापती पदासाठीही आरक्षणाची सोडत आज जाहीर करण्यात आली.

सांगरूळ- पुरूष अनूसुचीत जाती

हातकंणगले-अनुसुचीत जाती महिला ओबीसी

कागल-महिला

चंदगड-पुरूष

आजरा- महिला (ओपन)

गागनबावडा- महिला

शाहूवाडी-महिला

शिरोळ-पुरूष

पन्हाळा - पुरूष

भुदरगड-महिला

राधानगरी-पुरूष

गडहिंगलज-पुरूष

या सोडतीमुळे इच्छुकांमध्ये आनंद आणि उत्साहाचे वातावरण पहायला मिळाले आहे. मात्र, मनाप्रमाणे आरक्षण न मिळाल्यामुळे अनेक जण नाराज झाल्याचे देखील पाहायला मिळाले.

कोल्हापूर जिल्हा परिषद आणि पंचायत समिती सभापतिपदांच्या आरक्षणासाठी लॉटरी पद्धतीनं सोडत प्रक्रिया पार पडली. कोल्हापूरचे जिल्हाधिकारी अमोल येडगे यांच्या उपस्थितीत ही सोडत पार पडली. ग्रामीण भागातील राजकीय समीकरणे ठरविणाऱ्या या प्रक्रियेवर सर्वांचेच लक्ष होते. सोडतीवेळी लोकप्रतिनिधी, इच्छुक उमेदवार आणि राजकीय पक्षांचे कार्यकर्ते उपस्थित होते.