रणजित माजगावकर
कोल्हापूर : कोल्हापूर शहरातील वारे वसाहत परिसरात अनेक वर्षांपासून कमी दाबाने पाणी पुरवठा होत आहे. याबाबत वारंवार महापालिकेकडे निवेदन देऊन देखील महापालिका याकडे दुर्लक्ष करत आहे. यामुळे संतप्त झालेल्या परिसरातील नागरिकांनी आज रस्त्यावर काट्या व बॅरिकेट्स लावत रस्ता अडविला आहे.
कोल्हापूरच्या (Kolhapur) वारे वस्ती परिसरात कमी दाबाने आणि अनियमित पाणी पुरवठा होत आहे. यामुळे स्थानिक महिलांना पाण्यासाठी वणवण करावी लागत आहे. या पार्श्वभूमीवर महिलांनी आज पाण्यासाठी वारे वसाहत इथून जाणारा मुख्य मार्ग अडवलेला आहे. वारे वसाहतीतील नागरिकांनी या मार्गावर काट्या बांधून रस्त्यावर रस्ता अडवण्याचा प्रयत्न केला आहे. यामुळे या मार्गावरून जाणाऱ्या नागरिकांना मोठी अडचण निर्माण झाली होती.
नागरिक- वाहन चालकात वाद
नागरिकांनी रास्ता (Kolhapur Corporation) अडविल्याने दोन्ही बाजूंनी जाणाऱ्या वाहनांचा खोळंबा झाला होता. दरम्यान नागरिकांनी अशा प्रकारे रस्ता अडविल्याने येथील स्थानिक नागरिक व वाहन चालकांमध्ये वादावादीचे प्रसंग सुद्धा घडले आहेत. परंतु पुरेसे पाणी मिळत नसल्याने महापालिका प्रशासनावर आमचा रोष असल्याने नागरिकांनी यावेळी सांगितले.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.