छत्रपती शिवाजी महाराज आणि छत्रपती संभाजी महाराजांचा अवमान करणाऱ्या शिवद्रोही प्रशांत कोरटकरला अखेर कोर्टाने दिलासा दिलाय. 50 हजारांच्या वैयक्तिक जातमुचलक्यावर कोल्हापूर सत्र न्यायालयाने प्रशांत कोरटकरला जामीन मंजूर केलाय. कोर्टाने कोणत्या अटी शर्तींवर कोरटकरला जामीन दिलाय? पाहूयात.
कोल्हापूर जिल्हा सत्र न्यायालयाकडून कोरटकरला जामीन
50 हजार रुपयांच्या जातमुचलक्यावर जामीन मंजूर
तपासासाठी पोलीस बोलवतील त्यावेळी हजर राहावं लागणार
फिर्यादी आणि साक्षीदार यांना धमकवायचं नाही
जामीन मिळाल्यानंतर दोन दिवस मुक्काम न्यायालयीन कोठडीतच
मात्र यावर इतिहास अभ्यासक इंद्रजित सावंतांनी आक्षेप घेतलाय.. तर कोर्टाने घालून दिलेल्या अटी-शर्तींवर बारीक लक्ष ठेवण्याचा इशारा कायदेतज्ज्ञ असीम सरोदेंनी दिलाय. इतिहास अभ्यासक इंद्रजित सावंतांना धमकी देत कोरटकरने शिवरायांबद्दलही अवमानकारक वक्तव्य केलं आणि महाराष्ट्रात संतापाची लाट उसळली. त्यानंतर कोरटकरने पोलीस संरक्षणात पळ काढला.तब्बल 28 दिवसानंतर कोरटकरच्या तेलंगणातून मुसक्या आवळल्या. त्यानंतर पोलिसांनी तपासासाठी 30 मार्चपर्यंत पोलीस कोठडीची मागणी केली होती.
मात्र न्यायालयाने 13 एप्रिलपर्यंत कोरटकरला न्यायालयीन कोठडी सुनावली. दरम्यान प्रशांत कोरटकरने जामीनासाठी अर्ज केला आणि त्याला जामीन मिळाला. मात्र गुरुवारी कोर्टाला सुटी असल्याने आणखी 2 दिवस कोरटकरचा मुक्काम न्यायालयीन कोठडीतच राहण्याची शक्यता आहे. शिवद्रोही कोरटकरला जामीन मिळाल्याने कायदा कुचकामी ठरत असल्याची भावना शिवप्रेमींनी व्यक्त केलीय. त्यामुळे आता महापुरुषांचा अवमान करणाऱ्यांवर कठोर कारवाई करण्यासाठी राज्य सरकार कठोर कायदा कधी करणार? याकडे लक्ष लागलंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.