Kamlapur Elephant Camp : हत्तींना वैद्यकीय रजा, कमलापूरचा हत्ती कॅम्प 12 दिवस राहणार बंद

- मंगेश भांडेकर

Gadchiroli News :

राज्यातील एकमेव हत्ती कॅम्प असलेल्या गडचिरोली जिल्ह्यातील कमलापूर हत्ती कॅम्प (kamlapur elephant camp) येथील हत्तींना बारा दिवसांची वैद्यकीय रजा देण्यात आली आहे. यामुळे पुढील 12 दिवस कमलापूर हत्ती कॅम्प बंद राहणार आहे.  (Maharashtra News)

गडचिरोली जिल्हातील सिरोंचा वन विभाग अंतर्गत कमलापुर वनपरिक्षेत्र आहे. येथे अजित, मंगला, बसंती, रुपा, राणी, प्रियांका, गणेश, लक्ष्मी असे आठ हत्ती आहेत. वाढत्या थंडीमुळे या हत्तींच्या तळपायाला भेगा पडताहेत. त्यांना चालताना त्रास जाणवल्याचे वन विभागाच्या अधिका-यांच्या लक्षात आले.

या भेगांवर आणि दुखऱ्या पायांवर उपचारासाठी आठही हत्तींना बारा दिवसांची वैद्यकीय सुट्टी देण्यात आली आहे. सुमारे 10 दिवसांत हत्तींच्या पायांना चोपिंग औषधांचा शेक दिला जाणार आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

महाराष्ट्रातील एकमेव हत्ती बघण्यासाठी कमलापुर हत्ती कॅम्पला अनेक पर्यटक येत असतात. सध्या हा हत्ती कॅम्प 12 दिवसांसाठी बंद राहणार आहे अशी माहिती नरेश चोके, वन परीक्षेत्र आधिकारी कमलापुर यांनी दिली.