Maratha Reservation: आरक्षणाला विरोध नाही, पण आमचे आरक्षण हिरावू नका; कल्याण तालुका ओबीसी महासंघाची मागणी

अभिजीत देशमुख

कल्याण : मराठा समाजाला आरक्षण देण्यास आमचा विरोधात नाही. तर ओबीसी (OBC) संवर्गातील कुणबी यांचे आरक्षण हिरावून घेऊन ते मराठा समाजाला देण्यास आमचा विरोध असल्याची भूमिका (Kalyan) कल्याण तालुका ओबीसी महासंघाने घेतली आहे. (Breaking Marathi News)

कल्याण ओबीसी महासंघाने सदरच्या मागणीसाठी आज डॉ. बाबासाहेब आंबेडकर उद्यान ते तहसील कार्यालयापर्यंत मोर्चा काढण्यात आला. या मोर्चात ओबीसी कुणबी समाजाचे अनेक कार्यकर्ते पदाधिकारी (Maratha Aarkshan) सहभागी झाले होते. यावेळी शिष्टमंडळाने कल्याणच्या तहसीलदार जयराज देशमुख यांना याबाबतचे एक निवेदन सादर केले. 

मराठा समाजाच्या आरक्षणाचा वेगळा विचार करुन त्यांना आरक्षण द्यावे. ओबीसी आरक्षणाचा कोटा कमी करु नये; अशी मागणी निवेदनाद्वारे केली. तसेच केंद्रात प्रतिनिधीत्व करणारे आमचे खासदार ओबीसी समाजाचे आहेत. राज्यात प्रतिनिधित्व करणारे आमदार ओबीसी समाजाचे आहेत. मात्र ठाणे जिल्ह्यातून याबाबत कुणाचीही प्रतिक्रिया उमटत नसल्याची खंत देखील यावेळी व्यक्त करण्यात आली आहे.