Kalyan Crime News : सधन घरातील दोघी बहिणी बनल्या चोर; हौस मौजसाठी करायचे असे कृत्य

अभिजित देशमुख
कल्याण : ज्वेलर्स दुकानात खरेदीच्या बहन्याने जाऊन दुकानदाराला बोलण्यात गुंतवून सोन्याचे दागिने चोरणाऱ्या दोन बहिणींना महात्मा फुले पोलिसांनी (Police) बेड्या ठोकल्यात. निशा पुणवानी, रेश्मा पुनवाणी अशी या दोन्ही बहिणींची नावे आहेत. त्या उल्हासनगर परिसरात राहणाऱ्या आहेत. या दोन्ही (Kalyan) बहिणी सधन घरातील असून हौस मौज करण्याचा खर्च भागवण्यासाठी या दोघींनी चोरीचा मार्ग पत्करला. (Live Marathi News)

कल्याण पश्चिम नारायणवाडी परिसरातील शंकलेशा ज्वेलर्समध्ये दोन दिवसापूर्वी दोन अज्ञात महिला आल्या. दागिने खरेदी करण्याच्या बहन्याने त्यांनी कर्मचाऱ्यांना बोलन्यात गुंतवले व दुकानातील सोन्याचे दागिने घेऊन पसार झाल्या. या घटनेमुळे व्यापारी वर्गात एकच खळबळ उडाली होती. या दोन्ही महिला दुकानातील सीसीटीव्ही कॅमेरात कैद झाल्या होत्या. 

सीसीटीव्हीच्या आधारे शोध 

महात्मा फुले पोलीस ठाण्याचे वरिष्ठ पोलीस निरीक्षक अशोक होनमाने यांच्या मार्गदर्शनाखाली पोलीस अधिकारी प्रदीप पाटील, सुचित टिकेकर यांच्या पथकाने सीसीटीव्ही फुटेज व तांत्रिक तपासाच्या आधारे या दोन्ही महिलांचा शोध सुरू केला. याप्रकरणी महात्मा फुले पोलिसांनी निशा पुनवाणी, रेश्मा पुनवाणी या दोन्ही बहिणींना उल्हासनगर येथून बेड्या ठोकल्या.