सचिन कदम, साम प्रतिनिधी
रायगड : शालेय अभ्यासक्रमात आराखड्यात मनुस्मृती, मनाचे श्लोक त्याचबरोबर भगवद्गीतेचे श्लोक घेण्यात आलेत. याला राष्ट्रवादी शरद पवार गटाने तीव्र विरोध केलाय. शरद पवार गटाचे नेते जितेंद्र आव्हाड याप्रकरणात आक्रमक झालेत. जितेंद्र आव्हाड यांनी आज महाडमध्ये मनुस्मृतीचे दहन करून विरोध व्यक्त केला.
अभ्यासक्रमाच्या आराखड्यामध्ये मनुस्मृतीचा समावेश केल्यामुळे विरोध केला जात आहे. तिसरी ते बारावीची पाठ्यपुस्तक बदल करण्यात येणार आहे. त्यासाठी राष्ट्रीय शैक्षणिक धोरणानुसार ‘एससीईआरटी’ने सुधारित महाराष्ट्र राज्याचा शालेय अभ्यासक्रम आराखडा जाहीर केलाय. परंतु आरखडावरील आक्षेप आणि सूचनाही मागवल्या आहेत.
पाठ्यपुस्तकांमध्ये मनुस्मृती, मनाचे श्लोक व भगवद्गीतेचे श्लोक घेण्यात आलेत. याला राष्ट्रवादी शरद पवार गटाने तीव्र विरोध केलाय. आमदार जितेंद्र आव्हाडांनी यावरुन राज्य सरकारवर हल्लाबोल केलाय. सरकार शिक्षणामध्ये मनुस्मृती आणण्याचा प्रयत्न करत असल्याचा आरोपही आव्हाड यांनी केला. आव्हाड यांनी याच्या विरोधात महाडमध्ये मनुस्मृती दहन करत आंदोलन केलं. यावेळी त्यांनी मनुस्मृती लिहिलेल्या पत्रकं फाडत त्याचे दहन केलं.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.