Jat Bandh : जत शहरात कडकडीत बंद, सर्व पक्षीय पदाधिकारी, कार्यकर्ते उतरले रस्त्यावर; जाणून घ्या कारण

जत नगरपालिकेने वाढविलेला मालमत्ता कर रद्द करावा या मागणीसाठी आज (शुक्रवार) जत शहरातील सर्व पक्षीय कार्यकर्त्यांनी शहर बंद ठेवण्याचे आवाहन केले हाेते. या आवाहनास शहरवासियांनी शंभर टक्के प्रतिसाद दिला. परिणामी जत शहरातील बाजारपेठेत शुकशुकाट आहे.

सांगलीच्या जत नगरपरिषदने मालमत्ता करात सुमारे दहा टक्के वाढ केल्याने जत येथील नागरिक संतप्त झाले आहेत. या निर्णयाविराेधात आज सर्वपक्षीय कार्यकर्त्यांनी आंदोलन छेडले.

जतवासियांनी आज सकाळपासून शहर बंद ठेवले आहे. यामुळे जत शहरातील उलाढाल ठप्प झाली आहे. पालिकेने लाेकभावना लक्षात घेऊन निर्णय घ्यावा अन्यथा जनआंदाेलन तीव्र छेडले जाईल असा इशारा आंदाेलकांनी दिली.

Edited By : Siddharth Latkar